Registers van de Hollandse grafelijkheid 1299-1345

Graaf Willem III verklaart dat heer Gerard van Heemskerk en de andere leenmannen op verzoek van heer Jacob van Moordrecht als vonnis heeft gewezen dat heer Jacob de goederen die hij aan zijn dochter en haar kind vermaakt had toch mag verkopen ter leniging van zijn nood, mits hij onder ede verklaart dat hij geen ander goed heeft waarmee hij zijn moeilijkheden kan oplossen; de oorkonde wordt meebezegeld door een aantal met name genoemde leenmannen die bij dit alles tegenwoordig waren.

Wi Willaem^a grave etc. maken cond etc. dat hair Jacob van Moirdrecht^b, ridder, quam voir ons ende voir onse manne ende croende dat hi belet ware an sinen gode dat hi van ons helt ende anders, dat hijs niet vercopen en mochte omme dat hijt siere dochter ghemact hadde ende horen kinde bi onsen goddenken^c op te comen na siere doit, ende toghede dat hi noet hadde beyde an siere eren ende an siere lijftocht, ende seyde om der noet wille dat hijt van rechte vercopen mochte. Dies wart ghevraghet eens vonnessen heren Gheraerde^d van Emskerke^e, dair mest alle die manne van onsen lande waren. Hair Gheraerd^f beried hem mit den menen mannen ende rekende voren ende wijsede na, ende die manne ghemeenlike volghedens hem: want hair Jacob van Mordrecht^{g h} noetorfteⁱ croende, wart dat sake dat hijt mit sinen ede wair makede dat hi noet hadde ende anders gheen goed en hadde dair hi hem mede behelpen mochte sine noetorfte^j ende sine ere mede te bewaren, dat hijt wel vercopen mochte. Ende dien eet hevet hi ghedaen.

Ende omme dat wi onse trouwe manne alse onse lieve neve heren Gheraerd^k here van Voirne, burchgrave van Zeeland^l, hair Ghisebrecht^m here van IJselsteyne, hair Dieric borchgrave van Leyden, hair Jan van der Wateringheⁿ, hair Jan van Polanen^o, hair Daniel van der Merewede^p, hair Willaem^q van Duvorde^r, ridderen, Willaem^s van der Wort, Jan Persijn^t die oude, Willaem^u van Outshoirne ende Inghebrecht^v onse rentemeister, knapen, hier over gheweset hebben ende alle stucken voirscreven ghehort ende ghesien, so hebben wi ende onse manne voirscreven desen brief bezeghelt mit onsen seghelen. Ghegheven tote Dordrecht^w in Alre zielen daghe int jaer ons Heren M^o CCC^o ende XXX^o.