Registers van de Hollandse grafelijkheid 1299-1345

Graaf Willem III verklaart dat hij in gebreke is gebleven bij de tijdige terugbetaling aan de vrouwe van der Dussen, dochter van Arnoud van den Dorp, van de 650 pond Hollands die zij hem had geleend ter betaling van het gerecht van Capelle met de tiende, het veer, de woning en 24 viertel land, welke goederen hij van de heer van de Lek gekocht heeft, zodat hij haar volgens afspraak nu beleent met een jaarrente van 72 pond 5 schelling Hollands uit genoemde goederen, waarbij hij zich het recht voorbehoudt tot tussentijdse aflossing van de som; voorts regelt hij de vererving van dit leen.

Wi Willaem^a grave^b van Heynnegouwen^c etc. maken cond etc.^d dat die vrouwe van der Dusse, Arnouds dochter van den Dorpe, ons gheleent heeft om te betalen den here van der Lecke tgherechte van Capelle mitten tiende, mit der vere ende mit der woninghe ende mit vier ende twintich viertel lands luttel min of meer, dat wi coften jeghens den here van der Lecke voirs., ^e zes hondert ende vijftich pond Hollands^f, dair Iohannes^g van Leyden, onse clerc, ons goede rekeninghe of ghedaen heeft in zijnre rekeninghe die hi dede tote^h Machlen des anders daghes na sente Jacobs daghe lest verledenⁱ, die wilke wi hoir gheloift hadden te betalen te midde oichste die lest verleden es^j; of wair dat zake dat wi der vrouwen van der Dussen voirs. dit ghelt voirs. niet ^k en betailden als voirs. es, soe souden wi hoir bewisen voir elke neghen pond een pond sjairs^l in goeden zekeren renten van ons ende van onsen nacomelinghen hoir ende hoiren nacomelinghen te houden ten erfleene. Voir welc ghelt voirscreven wi der vrouwen van der Dussen voirs. ende hoiren nacomelinghen bewijst hebben ende bewisen voir ons ende voir onse nacomelinghe mid desen brieve jairlijx tontfanghen van den goede voirscreven dat wi coften jeghens den here van der Lecke voirs. twee ende tseventich pond ende vijf scellinghe Hollands^m; ende wair dat sake dat dit gherechte van Capelle mitter tiende, woninghe, vere ende mitten lande voirs. niet jairlix zoe goed en ware alse twee ende seventich pond ende vijf scellinghe Hollandsⁿ die wi hoir ende hoiren nacomelinghen dair op bewijst hebben alse voirs. es, zoe gheloven wi der vrouwen van der Dussen voirs. hoir ende hoiren nacomelinghen voir ons ende voir onse nacomelinghe te bewisen alsoe vele ghelts als hier voirs. es in goeden sekeren renten in Noirtholland^o, ende gheloven hoir ende hoiren nacomelinghen alle cost ende scade of te doene die sier omme liden souden. Voirt wair dat sake dat die vrouwe van der Dusse voirs. storve sonder wittachtighe gheboirte te laten, soe willen wi dat dese renten ende goed voirs. comen mach op heren Janne van Polanen^p ende heren Willem^q van Duvenvoirde, here van Oisterhout^r, onsen trouwen ridders, even ghelike te deelen, jof op den naisten die ghecomen ware ^s van heren Philips van Duvenvoirde. Voirt wair dat zake dat wi jof onse nacomelinghe dit goed jof renten lossen wilden, zoe moghe wijt lossen tallen tiden als wi willen om dese zes hondert ende vijftich pond Hollands^t voirs. Ende ombieden onsen rentemeyster van Noirtholland^u die nu es jof namails wesen sal dat hi der vrouwen van der Dussen jof die ghene die dese renten van ons houden sal jairlix late op boren ende ontfaen toit al sulken daghe alse die renten van den goede voirs. vallen sullen.

In orkonde etc. Ghegheven te Berghen in Heynnegouwen^v des woensdaghes na Alre Goids heylighen dach int^w jair ons Heren M CCC XXXI.