Registers van de Hollandse grafelijkheid 1299-1345

Graaf Willem III beleent Jan van Bloemenvenne met de 2 morgen land in Warmonderbroek en de 3 morgen in het ambacht Alkemade die deze hem had opgedragen.

Vgl. de in het register volgende nrs. NH 572 en 573.

Willem grave van Heynnegouwen^a etc. maken cond etc. dat Jan van Blomen venne^b ons up ghedraghen heeft ten eyghen tuee morghen lands legghende up Hemmer^c in Warmonder^d broec^e, ende hieten die Roscamp, binnen desen marken: an die nortsyde die ..abdisse van Reynsborch^f, an die zuytside Henric^g Streveland; vort drie morghen broec lands int ambocht van Alcmade, legghende in Gherijts Wilden weer binnen desen marken: an de nortside Kerstand^h Ymmen f. mid sinen lande, an die zuytside Lidghers kinder mid horen lande; ende dese vijf morghen lants vorscreven verlyen wi Janne vornoemd ende sinen nacomelinghen van ons ende van onsen nacomelinghen te houden tot enen erfliene.

In orkonde etc. Ghegheven in den Haghe des satersdaghes na sente Victorsⁱ dach int jair ons Heren M^o CCC^o XXXIII^o.