Registers van de Hollandse grafelijkheid 1299-1345

Dirk burggraaf van Leiden, ridder, en zijn echtgenote Justine, burggravin, dragen omwille van ouderdom en ziekte van Dirk zijn heerlijkheid, ambacht en al het eigen goed en leengoed op aan graaf Willem III om dit te beheren, waartoe hij een door hen goedgekeurde plaatsvervanger aan zal stellen, dit met de bepaling dat de graaf hen en Justines kinderen in bescherming neemt, na Dirks dood Justine zal handhaven in haar helft van de nalatenschap en in haar lijftocht, en hun goederen niet zal verminderen.

Vgl. het volgende nr. NH 623 en nrs. NH 628-631. – Voor de datering zie de opmerking bij het voorafgaande nr. NH 621.

Allen den ghenen die desen brief sullen sien jof horen lesen maken wi cond Dieric^a burchgrave van Leyden, ridder, ende Justine burchgravinne van Leyden. Want ic Dieric^b burchgrave voirs. tjair mere oud ende cranc ben also dat ic mijn ambocht ende mine heerlichede ende anders mijn goed, eyghen ende lien, niet bedriven en mach tot miere^c eere ende oirbare, soe hebbe ic alle mine heerlichede ende al mijn ambocht ende al mijn goet, eyghen ende lien, ac ware^d dat gheleghen es, op ghedraghen enen hoghen edelen manne minen lieven ende gherichten here heren Willaem^e ..grave^f van Heynnegouwen^g, van Holland^h ende here van Vriesland, also langhe als ic leve te doen bedriven ende te verwaren tot ziereⁱ eren ende tot onser^j oirbare; ende hier in sal hi enen man zetten bi onsen goeddencken die ons ghenoghet, ^k die onse heerlichede ende onse ambocht ende onse goed voirscreven bedriven ghelike mi selven, ende datter of verscint dat hi ons dair of gheve dat ons toe behoirt, ten ware of wi eneghe boeten quite lieten, ende minen heren den ..grave^l voirs. dat hem toe behoirt. Ende hier mede begheren wi dat onse lieve here die ..grave^m voirnoemt ons den burchgrave ende der burchgravinnen voirscreven ende der burchgravinnen twie kinderen alse heren Janneⁿ Sceven^o ende Jan Arnde^p onser alre lijf ende onser alre goed, ac wairt gheleghen es, neme in siere sonderlinghe bescermten, ende dat hi der burchgravinnen voirnoemt ghelove te houden na miere doyt in half den eygheliken goede dat ic laten sal boven der scout die wi sculdich sullen bliven ende kenliken es, ende dat hise houde in sulker lijftochte alse ic hoir ghemaict hebben mid ziere hant ende hi bezeghelt hevet, ende van onsen goede niet te verminderen ten zi bi onsen here den ..grave^q ende bi ons bi ghemeenen over een draghen^r; ende alle stucken sonder arghen list^s.

Ende omme dat wi Dieric^t burchgrave ende Justine burchgravinne van Leyden voirscreven willen dat alle stucken voirscreven vaste ende ghestade bliven ende witteliken ende trouweliken ghehouden worden, soe hebben wi desen brief open bezeghelt mid onser beyder zeghelen. Ghegheven op sHeylich^u Cruys dach int jair ons Heren M^o CCC^o ses ende dortich.