Registers van de Hollandse grafelijkheid 1299-1345

Gijsbrecht van IJsselstein, ridder, verklaart dat hij het huis te IJsselstein en een aantal nader omschreven goederen van graaf Willem III heeft teruggekregen, en dat hij deze goederen van hem in recht leen houdt.

Vgl. het voorafgaande nr. UT 22, een oorkonde met vrijwel dezelfde inhoud; aldaar ook meer over de datering ervan. Zie voorts de notitie aan het slot van nr. UT 25.

De onderstaande tekst is gebaseerd op afschrift B.

Allen den ghenen die desen brief zullen sien of horen lesen, ic Ghizebrecht^b van Yselsteyne, ridder^c, saluit ende kennesse der waerheden. Ic make cond dat mi een hoech edele prinche, mijn lieve here hare Willaem^d grave van Henegouwen^e, van Holland^f etc., bi ziere ghenade ende bi sire wille weder ghegheven heft ende verliet van hem te houdene thuis van Yselsteyne ende twie ende dertich morghen lands daer thuis op staet, ende dat land dat Jans van Houtem^g was, gheleghen op die grafte te Yselsteine^h an die noerd zide, zevene hoeven landsⁱ ten Gheine^j ende ene halve, zestich morghen lands in Ripiker waerd, vier ende viertich morgen lands in Benscoep, vive ende zeventich morgen lands in Polsbroec ende twaelf morghen lands in Blocland, wilc huis ende land voers. ic verlie ende bekenne dat ict houde te recten lene van minen lieven here den grave^k voernoemd van sinen erfnamen ende nacomelinghen graven van Holland^l voer mine erfnamen ende nacomelinghen.

Ende omme dat ic dit wille houden vaste ende ghestade ende voerdwaerd meer ghehouden zi van mi ende van minen nacomelinghen, hebbe ic desen brief bezeghelt met minen zeghele ende ghegheven minen lieven here den grave^m voers. Ghedaen tote Aken des anders daghes na Dertien daghe int jaer ons Heren M CCC ende achte.