Registers van de Hollandse grafelijkheid 1299-1345

Nicolaas van der Merwede, ridder, belooft graaf Willem III schadeloos te stellen voor de 27 gouden groten, 20 gouden hallingen en 10 miten die deze vóór 24 april 1325 zal betalen aan Frederik heer Wernersz. van Utrecht, welk geld Nicolaas van Frederik zou hebben afgenomen terwijl hij hem vrijgeleide had gegeven.

Vgl. het voorafgaande nr. UT 61.

Allen den ghenen die desen brief zullen zien of horen lesen make ic kond Clays^c van der Merewede, ridder, dat ic ghelovet hebbe ende ghelove met desen^d brieve up mijn goed minen lieven ^e ende gherechten here, heren Willaem^f grave van Heynnegouwen^g etc., scadeloes te quiten van seven ende twintich groten goudene ende van sestien goudene hallinghe ende tien miten, die mijn here die grave voirs. voir mi ghelovet hevet te betalen Vrederic^h heren Wernaertsⁱ sone van Utrecht^j voir Beloken Paesken naist comende^k, alse van ghelde dat ic hem ghenomen soude hebben binnen mijns selves gheleyde. Ende waer der sake dat ic minen here den grave voirs. niet en quite van desen ghelde voirscreven tote den^l voirnoemden termine, zoe verwilcore^m ic mi selven met desenⁿ brieve dat mijn here die grave voirs. jof zijn bailiu van Zuitholland^o, jof wie hi^p wil van zinen weghen, zine hand moghe slaen ane al minen goede, soe waert gheleghen es, ende des ghebruken ende vercoepe vrielike, ter tijd toe dat ic hem van minen goede vergouden^q hebbe dit ghelt voirscreven ende allen coste die hi ende zine boden daer omme doen zullen; sonder arghenliste.

In orkonde etc. Ghegheven tot Dordrecht^r up sinte Marchus^s dach int jaer ons Heren M° CCC° vier ende twintich.