Registers van de Hollandse grafelijkheid 1299-1345

Jan III (van Diest), bisschop van Utrecht, belooft graaf Willem III dat hij hem binnen een jaar 1.600 pond Tournois zal betalen vanwege de door de graaf gemaakte onkosten in verband met de door hen beiden aangestelde maarschalk van het Sticht aan deze zijde van de IJssel; voorts bepaalt hij de voorwaarden waaronder de maarschalk hem zal dienen.

Wi Jan bi der ghenade Goeds bisscop tUtrecht maken cond allen luden. Want een edel man ende een moghende, onse lieve neve here Willaem^b grave van Heynnegouwen^c etc., met ons enen maerscalc gheset hevet die onse maerscalc ambocht verwaren zal up zinen cost een jaer nae Alreheylighen daghen^d naest comende in onse Ghesticht van Utrecht bi deser zyden der Ysel, soe gheloven wi den grave voirs. te gheven ende tebetalen binnen desen jare naist comende zestien hondert pond Tornoyse^e, den groten over sestien peninghe gherekent, voir den cost die die maerscalc van zinen weghen^f doen zal. Voerd^g est voerwaerde^h: zoe wilkeⁱ tijt wi den maerscalc ombieden jof bi ons hebben willen omme recht te doene jof in onsen orbaer, dat hi in onse herberghe riden zal met vier paerde up onsen cost. Voird waer dat zake dat hi zamenninghen van lieden^j hadde jof hebben moste in onsen orbaer, dien cost soude hi ons rekenen die die liede deden, ende dien souden wi ghelden. Ende zoe wat hi wint in onsen ambocht voirs. binner deser voirscreven tijt, dair sal hi ons goede rekeninghe of doen.

In orkonde desen brieve bezeghelt met onsen zeghele^k. Ghegheven tUtrecht int jaer ons Heren dusent drie hondert ende zeven ende twintich des woensdaghes na sente Remigius dach.