Registers van de Hollandse grafelijkheid 1299-1345

Graaf Willem III beleent heer Otto heer van Asperen met de heerlijkheden van Het Goy en van Hagenstein, die zijn kamerling heer Willem van Duivenvoorde, heer van Oosterhout, hem daartoe ten overstaan van zijn leenmannen had opgedragen, welke goederen deze van hem had gekocht; uitgezonderd van deze belening zijn de Hagesteinse goederen die Willem zelf in leen wil houden, te weten de manschap gelegen in het land van Heusden en het leen van jonkvrouw Hessel, echtgenote van Hendrik Marienz.

Deze tekst ontbreekt in AGH 402, het kleine register Utrecht.

Vgl. het voorafgaande nr. UT 175.

Willem grave van Henegouwen^b, van Holland^c ende here van Vriesland maken cont allen luden dat voer ons ende voer onse manne comen is heer Willem^d van Duvenvoerde here van Oesterhout^e, onse trouwe camerling, ende heft voer him ende voer zine nacomelinghe bi zinen vryen wille ende bi onsen consente ons up ghedraghen tot heren Otten here van Asperen^f behoef die heerlichede vanden Goye ende van Haghen steyne, mit weerden, mit vischerien, mit landen, mit veren, mit tienden ende mit renten, in hoghen gherechte ende in laghen, also alse hize jeghens ons cochte alse de letteren houden mit onsen grote zeghel bezeghelt, daer onse tieghenwoerdeghe letteren doer steken zijn; welcke heerlichede ende goed wi voer ons ende voer onse nacomelinghen heren Otten here van Asperen^g voers. voer him ende voer zine nacomelinghe verlijet hebben ende verlijen ten rechten erflien van ons ende van onsen nacomelinghen te houden, uytghenomen die manscip die gheleghen is inden lande van Huesden, ende roerende is vanden gherichte van Haghensteyne, ende alsulc lien alse joncvrou Hesselt Heinric Marien zoens wijf hout, die coemt van dier zelver heer scap, die her Willem voers. te him zelven waert hout voer him ende zine nacomelinghe van ons ende onsen nacomelinghe te houden ten rechten erfliene; ende beloven voer ons ende voer onse nacomelinghe heren Otten voerscreven ende zinen nacomelinghen tvoerseide goed ende heerscap te waren ende daer in te houden, ende alle calangen af te doen.

In orconde desen brieve bezeghelt mit onsen zeghel. Ghegheven tot Valenchijn des dings daghes voer sente Bertelmeez^h dach int jare ons Here M CCC vive ende dartich.