Registers van de Hollandse grafelijkheid 1299-1345

Graaf Willem IV, die droogmaking van Noord-Beveland heeft gefinancierd op voorwaarde dat hij de kosten mocht verhalen op de inwoners en met de bepaling dat hij vervolgens zou toezien op het onderhoud van landen en dijken door de ingelanden, constateert dat een aantal met name genoemde personen die met dat onderhoud in gebreke waren gebleven uit hun goed is gezet, en schenkt dit land aan Boudewijn Willemsz. in vrij eigendom, met alle erop drukkende lasten.

Vgl. nrs. WI 28-32, 34, alsmede nrs. WI 42 en 49.

Willem ..grave van Heynnegouwen^b etc. maken cond allen luden dat onse ghemene manne ende ghemeente van onsen lande van Nortbeveland voir ons ende voir onse manne gheloveden ende wilcoerden, omme dat si Nortbeveland bi hem selven niet winnen en mochten, dat wi met onsen ghelde Nortbeveland vorschen ende droghen souden ende dat ghelt weder an hem verhalen, an al haren goede wairt arve, wairt tiende, ambocht, molen jof soe wat goede si hadden. Ende als wi tland voirs. hadden doen verschen soe soude elc man sine hand slaen an sijn land ende an sinen dijc, ende dien dijc selve verwaren; ende die des niet en dede, soe souden wi met dien lande ende met dien dike onsen wille doen. Ende want in die prochye van Campen Willem Willems sone hevet laten ligghen ses ghemete, Hughe Pouwels sone twie ghemete, item in Nortambocht van Wissenkerke Bonekijn Poics sone vier ghemete ende LX roeden, Boudijn Heylzoeten sone drie vierendeel ende Pieter Mayen sone dordalf vierendel lands, die si hem niet bewonden en hebben noch den dijc verwaert zeder die tijt dat wi Nortbeveland hadden doen winnen ende gheverschet was, ende onse ghelt up dat land uyt gheleghet es bi vonnisse van den ghesuoren, ende dit voirs. land van onsen weghen ghevroent es met allen rechte; soe hebben wi al dit voirnoemde land ghegheven in vryen eyghen Boudijn Willems sone met alsulken laste als up desen voirseyden lande staet van den ghelde dat wire voren uytgheleghet hebben, ende van sinen ane beloepe van den ghelde dat wi voir tghemene land van Nortbeveland uytgheleghet hebben jof uytlegghen sullen; ende gheloven hem al dit voirs. land te warene als wi sculdich sien te doene.

In orconde etc. Ghegheven tote Zierixzee des manendaghes na sinte Lucas dach int jair XXVII^o.