Nicolaas Kervink van Reimerswaal en Raas van Kruiningen, ridders, Willem Jansz. uit Duiveland, Gillis Pietersz. van Koudekerke, Simon Hepenz., Simon zoon van Jan Pouwelsz., Poelvoet Hendriksz. en Gerolf Justaasz. verklaren dat de gemene mannen en gemeenten van Noord-Beveland ten overstaan van hen en van andere grafelijke leenmannen aan graaf (Willem IV) hebben verzocht om de droogmaking van Noord-Beveland te willen financieren omdat zij daartoe zelf niet in staat zijn, met de bepaling dat hij de kosten op die ingelanden mag verhalen en dat hij vrij mag beschikken over de landen en dijken van personen die deze niet naar behoren onderhouden.
Noirtbevelant.
Allen den ghenen die desen brief sullen sien jof horen lesen maken wi cond Clays Kervinc van Reymerswalea ende Raes van Cruninghe, ridderen, Willaemb Jans sone ute Duveland, Gillijs Pieters sone van Coudekercc, Symon Heepen sone, Symon Jan Pauwels soens sone, Poelvoet Henrix sone ende Gherolf Justaes sone dat die ghemene manne van Nortbeveland ende die ghemeente quamen voir onsen lieven here den ..grave van Heynnegouwend ende van Hollande voir ons ende voir anders sine manne, ende verwilcoirden hem, omme dat si bi hem selven Nortbeveland niet weder winnen en mochten noch verschen, dat onse lieve here die grave met sinen ghelde Nortbeveland verschen ende droeghen soude ende dat ghelt weder an hem verhalen anf al haren goede, waert erve, wairt tiende, waert ambocht, moelen jof soe wat goede si hadden. Ende als hig tland voirs. hadde doen verschen soe soude elc man sine hanth slaen an sijn land ende an sinen dijc ende dien dijci selve verwaren; ende die des niet en dede, soe soude onse here die ..grave voirs. mid dien lande ende mit dien dike sinen vryen wille doen.
Ende omme dat wi hier over ende ane gheweest hebben, soe hebben wi desen brief open bezegelt met onsen zeghelen. Ghegheven te Zierixzee des woensdaghes voir sinte Lucas dach int jair ons Heren M° CCC° zeven ende dortichj.
Ista littera est in scrinio in Haga.k