Graaf Willem IV beleent zijn neven heer Floris van Haamstede, ridder, en Arnoud van Haamstede, broers, met de goederen die hem waren aangekomen na de dood van hun broer Jan van Haamstede.
Heren Florensa ende Airnt van Haemstedeb.
Willaem ..grave van Heynnegouwenc etc. maken cond allen luden dat wi voir ons ende voir onse nacomelinghe verliet hebben ende verlien, ghegheven hebben ende gheven heren Florens van Haemstede, riddere, ende Arnoude van Haemstede, ghebroederen, onsen neven, omme dienst die huer vorders ende si onsen vorders ghedaen hebben ende si ons noch doen moghen, van ons ende van onsen nacomelinghen hem ende hoeren nacomelinghen te houdene ten rechten liene alsulc goed als ons ane verstorven d ende ane ghecomen es van Jans van Haemstedee huers broeder doot, ons neven, dair God die ziele of hebben moete, ende hi van ons helt in sinen lesten live, alle ambocht ende goed waert, wair dattet gheleghen jof hoe dattet ghehieten es, sonder arghenlist.
Ende omme dat wi willen dat dit vaste ende ghestade blive, soe hebben wi desen brief bezeghelt met onsen zeghele. Ghegheven tote Valenchijnf des woensdaghes na sente Martijns dach in den zomer int jair ons Heren M° CCC° acht ende dortich.
Per dominum, presentibus dominis Symoneg bastaird, Ghiselbertoh dAbecoude et Balduinoi de Pottes; s(ignavit) N. de Dordraco.
j S(igillavit) Jacobusk de Malbodio.