Graaf Willem IV geeft de poorters van Westkapelle tolvrijdom in Holland en Zeeland.
Westcapple tolvry.
Vgl. het volgende nr. WI 64.
Willaema ..grave etc. maken cond allen luden dat wi omme menighen trouwen dienst die onse lieve poirteren van Westcapellen ons ende onse vorders ghedaen hebben ende ons noch doen sullen, voir ons ende voir onse nacomelinghe eewelike gheduerende, sonder yemands wedersegghen, hem luden ende allen haren nacomelinghen poirteren in Westcappellen ghegheven hebben, gheven ende verleenen dat si met alle haren goede ende comenscepe tollen vry varen sullen ende keren voir bi alle onse tollen die nu zijn of namaels wesen sullen, in wat manierenb dat tollen toe comen moghen, in allen onsen lande van Hollandc ende van Zeeland, beyde te watere ende te lande; ende ghebiede allen onsen tolnaren die nu zijn of hier na wesen sullen dat si onse voirs. poirteren met haren goede laten varen voir bi onse tollen sonder enighe tollen van hem luden te nemen ende sonder enich belet hem luden te doene, meer dan si tote onsen tollen op comen sullen ende hare teyken van poirterscepe toghen ende oirlof an onsen tolnaren nemen, ende alsoe dair mede vort vaeren vry met haeren goede als voirscreven is.
In orconde ende in kennisse der wairheyt dat wi willen onsen voirs. poirteren ewelike vaste ende ghestade wesen ende bliven sullen ende wel ghehouden van ons ende van onsen nacomelinghen, hebben wi dese lettere doen bezeghelen met onsen zeghele uuthanghende. Ghegheven te Zierixe des saterdaghes na sinte Domaes dach die coemt voir Kersdach int jair XL°.
¶ Iussu domini comitis, presentibus abbate Middelburgensid, Vrankee Natereel et domino H. Popponisf.
g S(igillavit) F. de Haemstedeh.