Registers van de Hollandse grafelijkheid 1299-1345

Graaf Willem IV verleent de inwoners van Kreke voor al hun goederen eeuwig tolvrijdom in Holland en Zeeland.

Willem ..grave van Heynnegouwen^b etc. maken cond allen luden dat wi omme menighen trouwen dienst die onse goede lude van der Creke onsen voirvorders ghedaen hebben ende ons noch doen sullen sulke gratie ghedaen hebben ende doen met desen brieve, ende gheven voir ons ende voir onse nacomelinghe^c allen den ghenen die nu binnen den dorpe van der Creke wonen jof wonen sullen mit alle hoeren goede eewelike tollen vry te varen voir bi allen onsen tollen in Holland^d ende in Zeeland^e, gheliken onsen vryen steden, in manieren dat si striken sullen voir onse tollen ende verlof nemen ane onse tolnairs; ende ombieden allen onsen tolnaren van Holland^f ende van Zeeland^g die nu sijn of namaels wesen sullen dat si onse goede lude van der Creke voirs. tollen vry varen ende keren laten met alle hoeren goede in dier manieren als voirscreven es.

In orconde etc. Ghegheven in Middelburch^h des vrydaghes na Paesdach int jair XLI°.