Registers van de Hollandse grafelijkheid 1299-1345

Graaf Willem IV bepaalt dat de helft van al het leengoed dat Hendrik Everdeisz. van den Viver nu op Walcheren van hem houdt na diens dood in recht leen zal worden gegeven aan de kinderen van Willem Everdeisz. van den Viver, tenzij Hendrik wettige kinderen zal nalaten, die dan in diens lenen zullen opvolgen.

Willem ..grave van Heynnegouwen^a etc. maken cond allen luden dat wi die ene helfte van al den ambocht, leenlande ende tienden, met alsulken rechte als dair toe behoird, dat Heynric^b Everdeys zone van den Vivere nu van ons houd, ligghende in haymanne ende elwair in Walcheren^c, verliet hebben ende verleent na Heynrix^d doet voirscreven Willem^e Everdeys zoens kinderen van den Vivere^f, die man hoeft zijn ende lenen sullen na Heynrix^g doet voirs., ende op hem te comen mit alsulken rechte ghelike dat doet van den vader opt kind, ende dit voirs. ambocht, leen land ende tienden ende dat dair toe behoert zullen die voirnoemde kindere van ons houden in rechten leene, ende in allen manieren alst Heynric^h voirs. nu van ons houd; het en ware dat zake dat Heynricⁱ voirscreven wittachtighe kindere liete dair dit voirs. ambocht, leenland ende tiende mitten rechte op coemen mochte na zine^j doet, soe soude sine kindere dat behouden ende ghebruken mit^k alsulken rechte als si sculdich sien te doene na den rechte van onsen lande van Zeland.

In orconde etc. Ghegheven in Middelburch^l des manendaghes na Beloken Paesken int jair XLI°.