Registers van de Hollandse grafelijkheid 1299-1345

Graaf Willem IV beleent zijn klerk Gerard Alewijnsz. uit Leiden met de goederen die deze hem daartoe had opgedragen, te weten diens huis en nader omschreven hofstede te Leiden, welke deze van hem in pacht houdt, alsmede heel Albrandswaard met het hoge en lage gerecht, tienden en het eigen goed; voorts regelt hij de vererving van dit leen, en bepaalt hij dat de inwoners van Albrandswaard voor hun eigen goederen tolvrijdom zullen genieten in al zijn landen, ter bestrijding van de kosten van de bedijking aldaar.

Willem grave van Hennegouwen etc. maken cond allen luden dat Gherid Alewijns soene ute Leyden, onse clerc, ^a op ghedraghen heeft te vryen eyghen zijn huys ^b sijn hofstede te Leyden, betimmert ende onbetimmert, legghende tusken der heren van den Dietsken^c huse horen^d hofstede ende der^e beghinen hofstede te Leyden ende den kerc hove te Leyden ende onser hove legghende binneder vryhede van Leyden, uutghenomen Truden huys ende hofstede, Dirx veren Baven soens wedewe, binnen den voers. ^f palen, diemen van Gherids^g hofstede voers. ^h om II groet Tornoyse tsyairs; ende vercreghe Gheridⁱ die hofstede bi sinen live, soe soude hise van van mi houden gheliken der ander. Voird heeft hi ons op ghedraghen ten vryen eyghen al Aelbrants waert, hoghe ende laghe gerechte, tiende entie eyghen, also als hise hevet ende sine brieve houden, legghende tusken der Ouder Masen ende^j Poirtegale ende Roden. Wilc huys ende hofstede mitten hoven binnen ende buten der vryhede te Leyden die hi van ons ten erfpachte heeft, behouden ons ^k pachts van den hoeven voerscreven, ende al Aelbrants waert ende dat daer toe behoert als voirscreven es ende sine brieve houden, wi verliet hebben Gherid voirs. ende sinen nacomelinghen, sijn^l manne sint wive van Gherid ghecomen, van ons ende van onsen nacomelinghen te houden ten rechten erfline niet te versterven, op enen paersoen te comen, mair op den jongheren manhoeft voer dat ouder wijfhoeft dair si beyde effen na sijn, in manieren: waer dat Gherid ghebrake sonder wittachtighen soen jof dat sijre sonen ghebrake zonder^m wittachtighe kinder, soe soude huys, hofstede ende hoven voirscreven up Aechten Gherids dochter ende Aelbrechtsⁿ wairt up Volcwijve zijre dochter ^o; ende storve die ene vanden twien zonder wittachtich kint, soe soude hoer deel comen op die ander suster ^p voirscreven, ende dair tenden te gane ten rechten erfliene als voirscreven es. Ende wat pacht of mansscip Gherid van desen goede^q voert maect, dat zullen wi ende onse nacomelinghe ^r ende sine nacomelinghe^s ghestade houden. Voert want hi in wille is Aelbrechts^t wairt te doen diken ten coern lande, dat zwaer^u ende ^v ende costeliken te doen es, dat si tollen vry varen sullen over al^w doer onsen landen met hoeren eygheliken goede alsoe langhe als si daer binnen woenen.

In kennessen van^x al desen zaken voerscreven hebben wi desen brief bezeghelt met onsen zeghel. Ghegheven in Serixe des sater daghes voer sinte Katrinen dach int jaer ons Heren M° CCC° vier ende viertich.