Registers van de Hollandse grafelijkheid 1299-1345

Graaf Willem IV verklaart dat hij middels een aantal met name genoemde personen met die van Coenekoop in het ambacht Waddinxveen is overeengekomen dat zij hem voor hun 100 morgen veen jaarlijks 4 penning per morgen zullen betalen; voorts bepaalt hij hoeveel turf men aldaar mag steken, alsmede de daarvoor verschuldigde som, en bedingt hij dat hij in het bezit blijft van ambacht en tiende, en dat hij gebruik mag maken van de weteringen en wegen aldaar ten behoeve van zijn veen in Hazerswoude en Waddinxveen.

Vgl. nrs. WI 201 en 225.

Willem ..grave van Heynnegouwen^a etc. maken cond allen luden dat wi bi heren Janne van Polanen, heren Willem^b van Outshoirne, heren Symon Teylinghe, heren Jacob van der Binchorst onsen bailiu van Rijnlant, heren Florens^c van der Boechorst onsen bailiu van van Aemsterland^d, Gherard^e Heynen sone onsen rentemeyster van Noirtholland^f ende Gherard^g Alewijns sone over een ghedraghen sien mit dien van Coenencoep int ambocht van Waddinxvene dat si ons van horen C morghen veens die si beseten hebben gheven sullen van elker morghen IIII d. Hollands^h jairlix tot sinte Martijnsⁱ misse in den winter^j, ewelike staende. Vort mach elc man die in Coenencoep woend jairlix delven VI hond torfs op elke morghen die hi dair in heeft, ende die dair land in heeft ende niet op en woend die mach delven IIII hond torfs, ende niet dair boven; ende dair of sullen si ons gheven van elken honde dat si delven jairlix VI d. Hollands^k, op sinte Jacobs dach^l te betalen. Ende soe wie op enich jair meer delve dan voirscreven is, die verboerde jeghens ons dien turf ende V s. Hollands^m. Ende elc hond sel XIII roeden lanc wesen ende VII torve wijt ende VIII torve diep. Ende wi sullen onse ambocht behouden ende onsen tyende van dien dat mens bouwet. Ende hieren binnen sullen wi altoes tot ons veens behoef van Haesairds woude, Waddinx vene ende dair omtrent ghebruken moghen hoerer wetringhe ende hoerer weghe die si dair hebben, gheliken him selven, sonder coste; mer als wi onsen veen doen ghebruken ende hi dair uut watert, soe sal hi dair na allen cost mit him ghelden morghen morghen ghelike in watringhe ende in weghe, van also vele als mens dair in watert ende in weghet.

In orconde etc. Ghegheven des manendaghes na onser Vrouwen dach assumtio int jair XLI^o.