Registers van de Hollandse grafelijkheid 1299-1345

Graaf Willem IV vidimeert en bevestigt in tegenwoordigheid van enkele met name genoemde getuigen een oorkonde d.d. 1322 augustus 27 waarin graaf Willem III de poorters van Dordrecht tolvrijheid schenkt voor al hun goederen in heel zijn land.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De gevidimeerde oorkonde van graaf Willem III was als zelfstandige tekst eerder opgenomen in het register Zuidholland; zie nr. ZH 117, alwaar tekstuele varianten uit dit nr. WI 266 zijn geannoteerd onder het sigle D.

Wi Willaem^b ..grave van Heynnegouwen^c etc. maken cond allen luden dat wi ghesien ende ghoirt^d hebben eene hantveste die onse lieve here ende vader, dair God die ziele of hebben moet, ghegheven ende bezeghelt hadde onser liever stede^e van Dordrecht^f, sprekende ende houdende van woirde te woirde als hier na bescreven staet.

Volgt nr. ZH 117.

Ende want onsen goeden luden van onser stede van Dordrecht^g voirs. dese voirnoemde^h hantveste ghearcht wasⁱ bi groeten onghevalle van brande, als ons ende onsen ghemenen Raede wel kenliken es, soe hebben wi hem bi raede ons ghemeens Raeds dese voirscreven hantveste verniewet, ende gheloven se hem voir ons ende voir onsen nacomelinghen eweliken vaste ende ghestade te houdene, sonder enich weder segghen. Ende hier waren over hair Pieter here van der Lecke, hair Heynric^{j k} van der Lecke, sijn soen, hair Daniel van der Merwede^l, hair Willaem^m van Duvenvoirde, hair Harbaren van Rieden, onse bailiu van Zuuthollandⁿ, ende here Florijs^o van Haemstede^p, ridders, ende Tielman die Moilnair, knape.

In kennissen der wairheyt soe hebben wi desen brief bezeghelt met onsen groeten zeghele uythanghende. Ghegheven tDordrecht^q int jair ons Heren M^o CCC^o acht ende dortich des woensdaghes na sinte Valencijns dach.