Graaf Willem IV beleent Hendrik Pietersz. met de nader omschreven goederen in Akersloot en Graft die deze hem had opgedragen, alsmede met grafelijk land in Graft.
Heinric Pieters z.
Willem ..grave van Heynnegouwena etc. maken cond allen luden dat ons Heynric Pieters soene van sinen eygheliken goede op ghedraghen heeft sijn huys ende sijn hof, die scure ende alleb sine woninghe die binnen die bedelfte staen tote Alker sloete, ende een acker lands voir die doere uytgaende an den wech an die suitside van der lane ende an die noert side van der lane, eere roede breet van der lane uytgaende op an den wech, voirt int Grafte bi den huse neghen made lands ende es ghehieten Senneland, ende es ghelent an die noirt side here Claeys die pape ende an die suitside Antgheerc Enghelen soen; voirt hebben wi selve in Grafte drie made lands ende es ghehieten Honds land, ende es ghelent an die ene side Grote Lubbe ende Ebbe an die anderd side. Wilke woninghe ende land wi verliet hebben Heyne Pieters sone voirnoemd ende sine nacomelinghen te houden van ons ende van onsen na comelinghen ten erfliene.
In orconde etc. Ghegheven in die Haghe des woensdaghes na sente Andries dach int jaer XXXIXo.
Per dominum, presentibus dominoe Iohannif de Polanen et W. Cuser.
g S(igillavit) F.h de H.