Registers van de Hollandse grafelijkheid 1299-1345

Graaf Willem IV verkoopt ten overstaan van met name genoemde personen aan de goede lieden van Schoorl een nader omschreven deel van de Rekere en het aanliggende land in vrij eigendom, voor 450 pond Hollands.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Willaem ..grave van Heynnegouwen^a etc. maken cond allen luden dat wi bi heren Janne van Pollanen, heren Willaem van Outsoerne, heren Jacob van der Binchorst ende heren Simon van Benthem^b, ridderen, Janne van Sassenem^c, Aernoude van den Dorpe, Heynric heren Dirx zoen, Willem^d den Cuser, Gheret Heynen zone ende Gheret^e Aelwijns zoene vercoft hebben onsen goeden luden van Scoerle in vryen eyghen him ende hore nacomelinghen eweliken te dueren onse Rekele, land ende water, ligghende tusken den Rekeldam ende den ban van Berghen, ende tusken Scoerledijc an die Rekele ende den palen van Vrijsdijc, die wesen sullen acht ende twintich voete van Vriesendijc ter Rekelwaert, intemeten ende te besceyden bi onsen rentemeester van Kenemerland^f ende van Vriesland, omme vijftalf hondert pond Hollands^g, dair si Willem den Cuser, onsen rentemeester van Kenemerland^h ende van Vriesland, toit onser behoeffⁱ ghenoech of ghedaen hebben; ende gheloven onsen goeden luden voirscreven ende horen na comelinghen voir ons ende ^j voir ons na comelinghen van desen lande voirscreven recht warent te wesen, ende omme te waren voir elken man als men een vry eyghen sculdich is te waren. Ende alle dinc sonder arghelijst.

In orconde etc. Ghegheven des vridaghes na onser Vrouwen dach ter lijcht misse int jaer XXXIX^o.