Graaf Willem IV ontvangt heer Jan heer van Bijland als zijn leenman voor de 60 pond Tournois jaarlijks uit de visserij van Amstelland die deze al van graaf Willem III hield, welke jaarrente heer Jan ook van hem in leen houdt.
Leen; heren Jan here van Bylandt.
Vgl. nr. GE 23.
Willema ..grave van Heynnegouwenb etc. maken cond allen luden dat wi ontfanghen hebben tot onsen manne heren Janne here van Byland alse van LX ponden Tornoysec tsyairs, die onse lieve here ende vader, dair God die ziele of hebben moete, hem ghegheven hadde in rechten liene van hem te houden ende hem bewijst hadde op sine vischeryen in den lande van Aemstel, wilke LX lb. Tornoysed tsyairs voirs. wi hem bewisen alle jare intenemen in onsen vischerien van Aemstelrelandt voirs. tot sulken terminen alse die renten van den vischeryene in comen sullen; ende ombieden onsen rentemeester van Aemstelreland die nu es of namaels wesen sal dat hi den here van Byland alle jare uytreke die LX lb. Tornoysef tsyairs uyt onser vischerien voirs. ende toten termine voirscreven, ende dair of neme alle jare des heren open brief van Byland jeghens ons mede te rekenen, ende van also vele sullen wi hem alle jare quiten in sire rekeninghe mit den brieve bezeghelt mit sinen zeghele.
In orconde etc. Ghegheven in Middelburchg des vrydaghes na Paesdach in jair XLIo.