Registers van de Hollandse grafelijkheid 1299-1345

Graaf Willem IV verleent op verzoek van heer Hendrik, heer van Brederode, diens echtgenote vrouw Isabella van Fontaines, vrouwe van Brederode, het huis en de woning van Brederode als een lijftocht, met welk goed heer Hendrik haar eerder had gelijftocht, samen met een jaarrente van 300 pond.

Voor de in onderstaande tekst genoemde huwelijkse voorwaarden, zoals neergelegd in de oorkonde van Jan van Henegouwen en Gerard van Voorne, zie nr. WI 343.

Willem^c ..grave van Heynnegouwen^d etc. maken cond allen luden. Want her Heynric^e, here van Brederode, onser liever nichten veren Ysenbeel van Fonteynesse, sinen wive, gheloeft heeft te makene tot hoere lijftochte ende duarye dat huys ende die woninghe tot Brederode ende dair toe drie hondert pond tsyairs, also alse die brieve van den huwelike houden die onse lieve oem ende here Jan van Heynnegouwen^f, here van Baymond, her Gherard^g here van Voirne ende die ander dair op ghezeghelt hebben, soe hebben wi omme bede willen heren Heynrics^h, here van Brederode voirs., veren Ysenbeel van Fonteynes, vrouwe van Brederode voirscreven, verliet ende verlien mit desen brieve dat huys ende die woninghe tot Brederode tot hareⁱ lijftochte ende duarye, ende gheloven dair in te houden na zede ende costume van onsen lande, sonder archlijst. Ende hier over waren onse lieve oem here Jan here van Baymond, here Gherard^j here van Haverets, casteleyn van Berghen, here Jan van Berlemond, here van Floyen, ende hair Heynric^k Aveting, here van Novile.

In orconde etc. Ghegheven te Bins op den Pijnster avond int jair XLI^o.