Registers van de Hollandse grafelijkheid 1299-1345

Graaf Willem IV, die heeft gevonden dat het goed aan de overzijde van het Spaarne, dat eerder Dirk Bartoud van diens broer Jan Bartoud hield, zijn eigendom is en na hun dood aan hem is teruggevallen, en dat de lijftocht die Dirk daaruit had geschonken aan diens echtgenote Elizabeth onrechtmatig is omdat dit zonder zijn toestemming was gebeurd, schenkt in plaats daarvan aan haar voor de duur van haar leven 20 pond Hollands jaarlijks, uit te keren door de rentmeester van Kennemerland en West-Friesland.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Willem ..grave van Heynnegouwen^a etc. maken cond etc. Want wi claerlike in der wayriden ghevonden hebben dat dat goed over die Sparen, dat Dirc Bairtoud van Jan Bairtoude helt, onse eyghens ende an ons verstorven bi Jan ende Dircs doet voirscreven, ende want Dirc Bairtoud bi Jans hand, sijns broeders voirscreven, ghemaect hadde Lijsbet^b, sinen wijve, die minder helfte te lijftochte sonder onsen concente, soe vinden wi na den rechte van den lande dat wi hoir die lijftochte niet sculdich sijn te houden. Mer om dat ons donket dat die joncvrou Lijsbet^c voirs. in dien huwelic te zeer bedroghen ware, soe hebben wi hoir omme Goeds willen ghegheven tot hoeren lijve alsoe langhe als si levet XX lb. Hollands^d tsyairs, ende bewisen hoir die jairlix in tenemen an onsen rentemeester van Kenemerland^e ende van Vriesland die nu is of namaels weesen sal tot elken Pijnxter; ende ombieden onsen rentemeester voirscreven, oec wie hi is, dat hi hoir die XX lb. Hollands^f jairlix betale ten termijne voirscreven, ende hier of neme hoeren brief van quitancien, ende mit dien brieve sullen wi hem jairlix van also vele quijten in siere eerster rekeninghe.

Ende omme dat wi willen dat hoir dit vaste ende ghestade houden worde, soe hebben wi desen brief open bezeghelt mit onsen zeghel. Ghegheven tot Sinte Gheerdenberghe^g des vrydaghes na sinte Ponsyairs^h dach int jair XLI^o.