Registers van de Hollandse grafelijkheid 1299-1345

Graaf Willem III beleent heer Gijsbrecht van IJsselstein, ridder, met het huis te IJsselstein en met de goederen die eerder diens vader Arnoud van Amstel in leen hield, uitgezonderd 15 morgen in Hoenkoop, welke Gijsbrecht in vrij eigendom krijgt in ruil voor een nader omschreven land in IJsselstein dat eerder Jan van den Hout in leen hield en dat Gijsbrecht hem had gegeven; voorts bepaalt hij de vererving van dit leen, dat Gijsbrecht zal houden samen met diens zoon heer Arnoud.

Wi Willem grave van Heynnegouwen^d etc. maken cond etc. dat wi omme bede eens eersamens vaders in Gode, ons liefs heren Gwys^e, bi der ghenaden Goeds biscops van Utrecht^f, ende om bede ende versoec goeder lude onser vriende, heren Ghijsebrecht^g van Yselsteyne, onsen trouwen man ende ridder, zulke gratie ghedaen hebben dat wi hem verliet hebben ende ghegheven ende gheven van ons te houden te lene thuys te Yselsteyne ende al dat ghoet dat her Airnd van Aemstele, zijn vader, van onsen vorders graven van Holland^h wilenⁱ hielt te lene ende dat dien heren Ghisebrecht^j van sinen vader voirs. anecomen es, uutghenomen XV morghen lants die legghen in den Hoencoep, die wi hem ghegheven hebben in eyghendom sinen vryen wille mede te doene; voir wilke XV morghen lants voirs. hi ons weder ghegheven heeft dat lant dat Jans van den Houte was, gheleghen up die gracht van Yselsteyn^k an die noertside. Ende dat voirnoemde lant zal hi houden van ons te lene ghelike dat hi zijn ander ghoet van ons hout, ende al in enen lene, in zulker manieren dat wi heren Airnoude, sinen sone, mit dien heren Ghisebrecht^l, sinen vader voijrnoemt, die^m ghesamende hand van dien huyse ende van dien ghoede voirscreven verliet ende ghegheven hebben, ende van ons ende van onsen nacomelinghen te houden in die vorme die hier na volghet: dat, wair dat zake dat her Arnoud storve eer her Ghijsbrechtⁿ zijn vader voirs., dat die kindere die hi liete ende ghewonnen hadde bi vrouwen Marien onser nichten, sinen wive, dat si dat voirs. huys ende goed van ons ende van onsen nacomelinghen zellen houden ten rechten lene.

Ende om dat wi him willen houden vast ende stade alle dat hier voirscreven es, soe heb wi hem dese lettere ghegheven ende beseghelt, in die Haghe in sinte Marien Magdalenen avond int jair ons Heren M^o CCC^o ende XIII.