Registers van de Hollandse grafelijkheid 1299-1345

Graaf Willem III verkoopt de 22 morgen in het ambacht Vleuten die eerder van Willem van Teilingen waren voor 200 pond Tournois aan Jacob, bisschop van Zuden, met de bepaling dat hijzelf dit goed voor hetzelfde bedrag zal mogen terugkopen, terwijl Simon Willemsz. van Teilingen voor dat bedrag het vrije gebruik ervan zal kunnen verwerven.

Wi Willaem^a grave van Henegouwen^b etc. maken cond allen luden dat wi onsen gheesteliken vader onsen lieven ende ghetrouwen heren Jacob, bi der ghenaden Gods bisscop van Zuden^c, vercoft ende te hande ghelaten hebben in rechten eyghen onse twie ende twintich morghen lands legghende int ambocht van Vloeten, die ons ane quamen van Willaems weghen van Theilinghe, omme twie hondert pond Turnoyse, daer hi ons bi heren Janne onsen cappelane vol ende al of betaelt hevet, in desen manieren: waer dat zake dat wi den bisscop voers. twie hondert lb. Tornoys^d gaven, so soude dit voerseide land onse vri eyghen wesen; jof waerd dat wi Symon Willaems sone van Theilinghe gheorloefden dat hi die twie hondert pond Tornoys^e ghave, so soude hem die bisscop voers. dit land ontrumen ende vrielike ghebruken laten.

In orkonde etc. Ghegheven in den Haghe des vridaghes na onser Vrouwen dach in septhember^f int jaer ons Heren M CCC ende XX.