Graaf Willem III beveelt Rover van Montfoort niet met diens broer Zweder tegen hem te ageren, op straffe van verlies van lijf en goed; hij belooft hem en zijn vrienden, leenmannen van Zweder, in dezen schadeloos te houden.
Rover van Montfoirde.
Een streep door het begin van de tekst.
Wi Willaem grave van Heynnegouwena, van Hollandb, van Zeeland ende here van Vriesland ombieden u Rover van Montfoirde dat ghi u niet en onderdoet Zueders dinghen juwes broeders tyeghens ons, want wijt houden souden an u lijf ende an u goed, waer dat ghi deet tyeghens ons mit hem; oec so ne willen wi niet dat ghi om onsen wille enighen scade lijt, want wi u ende juwen vrienden die onder ju gheseten sien, ende sine manne sien, gheloven scadeloes te houden, wad scaden si dair bi nemen om onsen wille sonder archlist.
In orkonde etc. Ghegheven tote Oudewater int jaer ons Heren M CCCo twe ende twintich des sonnendaghes na Payschen.