Graaf Willem III beleent Dirk Frederiksz. knotsmaker met een viertel land tussen de Linschoten en Diemerbroek, welk leen Bartoud Speyaard hem met dat doel had opgedragen.
In de marge, door een contemporaine hand: Dirc Vrederic coddemakers z.
Wi Willaema ..grave etc. maken cond allen luden dat wi die viertel lands die leit in die ses morghen die legghen tuschen der Lintscoten ende Diemodebrokeb tuschen Louwen Witewijns sone ende Ghisekijnc Vroewijns suagher lande, die Bartoud Speyairt tenen erfliene van ons hild ende ons op ghedraghen hevet tote Dieric Vrederix soens behoef des coddemakers, wilke viertel lands voirscreven wi Dierike voirs. verliet hebben ende verlien van ons ende van onsen nacomelinghen te houden ten erfliene, in allen manieren alse Bartoud Speiairt van ons te houdene plach.
In orconde etc. Ghegheven en die Haghe des manendaghes voir Pijnster int jair ons Heren Mo CCCo achte ende twintich.
Per dominum comitem, Iohannemd de Pollanen et Engelbertume.