Registers van de Hollandse grafelijkheid 1299-1345

Graaf Willem III verpacht de gruit te Oudewater voor een periode van vijf jaar aan Hendrik de gruiter Lievedagesz. voor 55 pond Hollands per jaar.

Wi Willaem^b ..grave etc. maken cond allen luden dat wi bi Inghebrecht^c van Voirscoten, onsen rentemeister van Northolland^d ende van onsen lande van Wourden, hebben verpacht ende verhuert onse grute toit Oudewater Henric^e den Gruter Lievedaghes sone tote vijf jaren toe naest comende, die ingaen sullen op sinte Pieters dach in den lenten^f die nu naest comet, in sulker manieren dat hi hebben sal van uythenschen^g biere dat men tOudewater tappet sijn gruytghelt, ende te houden in dier manieren als Batenburch hier voirmaels te houden plach, elkes jaers omme vijf ende vijftich pond Hollands^h, enen ouden groten coninx Tornoisⁱ van Vranrike over achte penninghe Hollands^j of sine wairde, die hi jairlix ons jof onsen rentemeister betalen sal die ene helfte te sinte Martijns misse in den winter^k ende die ander helfte te sinte Pieters misse dair na naest comende, ende also jairlix dese voirs. vijf jair uyt, sonder archlist.

In orconde etc. Ghegheven in den Haghe des saterdaghes na sinte Lucas daghe int jair ons Heren M^o CCC^o ende dortich.