Graaf Willem III geeft Jan van der Mije Gerdinsz. toestemming tot verkoop in vrij eigendom van goed in het ambacht Bodegraven.
Willaem ..grave etc. maken cond etc. dat Jan van der Mye Gherdins sone bi onsen oirlove vercoepen mach ten vryen eyghen X gherden lands, elke gherde van IIII hond lands, ligghende int ambocht van Bodegraven up die westside van den Rijn binnen desen land ghemerken: Arnoud des Wilden land an die suutside ende Hildebrands land van Cromwijc ane die nortside; ende soe wie diet jeghens Janne voirs. coept dien gheven wi enen vryen eyghendomme met desen brieve, ende dien gheloven wijt te waren als wi een vry eyghen sculdich sien te waren.
In orconde etc. Ghegheven in den Haghe des donresdaghes na sinte Baven dach int jair ons Heren Mo CCCo drie ende dortich.