Registers van de Hollandse grafelijkheid 1299-1345

Graaf Willem III doet in tegenwoordigheid van enkele met name genoemde leenmannen uitspraak in een geschil tussen heer Gillis van Kruiningen, ridder, en de Zierikzeese Lombarden Benoit de Ponte en Antonis, waarbij hij bepaalt welke sommen de eerste aan de laatsten dient te betalen en wanneer dat dient te gebeuren; Gillis accepteert ten overstaan van de graaf en diens met name genoemde leenmannen dat, indien hij in gebreke blijft, de graaf zijn goederen zal laten verkopen totdat de schuld is afbetaald.

Cf. hierboven nr. ZE 76, waar een samenvatting van deze oorkonde is opgetekend.

De onderstaande tekst is in C twee maal gekopieerd, de tweede maal temidden van een reeks per ongeluk gedubbelde afschriften, welke naderhand werden doorgestreept. Zie de kopnoot bij nr. ZE 83. – In de onderstaande editie worden de variante lezingen van de doorgestreepte versie geannoteerd met het sigle C'.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Wi Willaem^b grave van Henegouwen^c etc. maken cond allen luden dat voer ons quamen hair Gillijs van Cruninghe ridder op die ene zide ende Benoiten^d dou^e Pont ende Thonijs, Lomberde van onser poirte van Zerixee^f, op die ander zide, ende verwilkoirden an beyden ziden voir ons ende voir onsen mannen onse segghen te houden van alsulker scout alse die Lombaerde voirnoemd heren Gillijs^g voers. eyskende waren alse van twie brieve die hier na ghescreven staen^h, die si op hem hebben; ende wi die zaken wel ondervonden ende die brieve die die Lombaerde voers. hebben op heren Gillijs voernoemd wel ghesien ⁱ, soe segghen wi onse segghen in die maniere dat hier na ghescreven staet. Dats te wetene dat hair Gillijs van Cruninghe^j voirnoemt den voerscreven Lombaerden betalen sal binnen Beloken Paesken die naist comet^k een ende twintich lb. grote Tournoyse^l van enen brieve die die Lombaerde op hem hebben; item zal hem noch hair Gillijs voers. betalen te sinte Jans daghe te midde zomer^m die naist comet daer na tien pond groter Tournoyseⁿ van enen anderen brieve die si op hem hebben. Item zegghen wi noch onse segghen dat hair Gillijs van Cruninghe den voernoemden Lombaerden betalen sal te sinte Jans dage voers. drie pond groter Tournoyse^o die si verteerd hebben in menigherhande reyse die si ghevaren^p sien omme hore scout te versoeken ende te hebben; dit coemt al in summe dat hem hair Gillijs^q betalen sal ten daghe voirscreven vier ende dertich pond ouder groter Tournoyse^r.^s Ende hier bi segghen wi dat hair Gillijs voirs. quite sal wesen van jeghens den Lombaerden^t voernoemd van allen eyschen die si hem eysken mochten alse van den twie brieven van een ende dertich pond grote voirscreven ende van^u coste ende van scade die si hem daer of eysken mochten, sonder arghenlist. Ende waer dat zake^v dat haer Gillijs voers. dit voernoemde ghelt niet en betaelde ten voirscreven daghen, so heeft hem hair Gillijs van Cruninghen voir ons ende voir onsen mannen verwilcoird^w dat onse rentemeyster van Zeland^x in allen sinen goede van onsen weghen varen sal, jof soe wien die wire senden sullen van onsen weghen, die sijn goed vercoepen ende penninghen sal alsoe alst gaen mach, toter summe toe dat hi den Lombaerden voernoemd al betaeld sal hebben.

Hier over waren hair Jan van Cruninghe, haer Daniel van der Merewede^y, onse trouwe ridders, Maude Simons^z sone, Willaem^a' Jans sone, Mathijs Rengaers^b' sone, Gillijs Boudijns sone, Bollaerd Bollaerds sone, Jan Henrix^c' sone ende Jan heren^d' Niclayse^e' sone, onse trouwe mannen.

In orkonde etc. Gheseghet^f' ende ghedaen in Middelburch^g' des^h' manendaghes voir den Paesdach int jaer ons Heren M CCC ende twintich.