Registers van de Hollandse grafelijkheid 1299-1345

Graaf Willem III kent Maria, echtgenote van Willem Jansz. van Zierikzee, voor de duur van haar leven een rente toe van 10 schellingen groten jaarlijks, uit te keren door de rentmeester van Zeeland.

De onderstaande tekst is gebaseerd op afschrift B.

Wi Willaem^a grave van Heynnegouwen^{b c} etc. maken cond etc. dat wi Marien Willaem Jans^d soens wijf van Zeerixe^e ghegheven hebben ende gheven toit haren live tien scellinghe groete sjaers, ende na hare doet so sullen si vriliken weder an ons comen; ende ombieden onsen rentemeester van Zeeland^f die nu es jof hier na^g wesen sal dat hi hoir dese tien scellinghe groete sjaers alle jare betale toit sente Martijns misse in den winter^h ende des niet en late, ende dat hi daer of nemeⁱ enen brief van quitantien onder reckeliker lude seghel, jeghens ons mede te rekenen.

Ghegheven in die Haghe des woensdaghes^j na sente Pieters dach inghaende oiste int jaer ons Heren M CCC^o twe ende twintich.