Registers van de Hollandse grafelijkheid 1299-1345

Daniel en Jan van Baarsdorp, broers, die na de door hen begane misdaden door graaf Willem III weer in genade zijn aangenomen, zweren hem trouw en beloven nooit meer tegen hem te ageren noch hun broers en verwanten tegen hem op te zetten, en zeggen toe met hun verwanten een borg te zullen stellen tot maximaal 2000 pond Tournois, welk bedrag door de graaf zal worden vastgesteld.

De onderstaande tekst is gebaseerd op afschrift B.

Allen den ghenen ^b etc., ic Daniel van Bairsdorp^c ende Jan van Bairdorp^d sijn broeder, saluyd ende kennesse der waerheyd. Wi maken cond ende kenlic allen luden dat om bede ende versoec wille van goeden luden, die voer ons ghebeden hebben an onsen lieven ende gherechten here heren Willame^e grave van Heynnegouwen^f, van Holland^g, van Zeeland^h ende here van Vrieslandⁱ, hi ons ontfaen hevet^j tote siere ghenaden ende sien tyeghens hem versoent, ende hevet ons sinen evelen moet gheheeliken ende al vergheven van alre broke ende misdaet die wi jeghens hem mesdaen hebben tote op den dach toe dat dese brief ghegheven was, sonder archlist. Ende daer omme so gheloven wi in goeden trouwen, ende hebben ghesekert ende ghesuoeren op den heylighen, goed ende ghetrouwe te sine in allen saken onsen lieven ende gherechten here den grave voirs., sinen nacomelinghen ende sinen luden van ons ende van onsen broederen ende van onsen maghen, ende nemmermeer tyeghens hem te^k doene, te setten noch te steken bi rade noch bi dade, met ghienen list; dit wel ende ghetrouweliken te houden alse voers. es alse ghetrouwe luden, hebben wi ghelovet ende gheloven goede borchtochte te setten mit onsen maghen tote twe dusent pond Tornoyse^l toit ons lieves heren goeddenken des graven voers., sonder archlist.

Ende omme dat wi willen dat alle dese voerscreven saken seker, vast ende ghestade bliven ende wel ende ghetrouliken ghehouden van ons, onsen broederen ende maghen^m, hebben wi desen brief bezeghelt mit onsen seghelen. Ghegheven int jaer ons Heren M^o CCC^o twe ende twintich des satersdaghes na sente Gillijs dach.