Registers van de Hollandse grafelijkheid 1299-1345

Graaf Willem III verkoopt aan abt en convent van het O.L Vrouweklooster te Middelburg enkele tienden in Kouderkerke, Souburg en Vlissingen, waarop dezen al langer aanspraak maakten, evenwel zonder voldoende schriftelijk bewijs, waarbij de koopsom, ter hoogte van 825 pond Tournois, in mindering wordt gebracht van de schuld die hij nog jegens de abt had vanwege een lening.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Wi Willaem grave van Heynnegouwen^{b c} etc. maken cond allen luden dat alsulke tiende als onse here onse vader, daer God die siele of hebben moet, lossede an hem ende vriede om ander goed tyeghens den here van Ravi, dat was een achtendeel van enen derdendele van der tiende in Coudekerke ende een verendeel van enen liene in Subburch ende in Vlissem^d alse van den ses lenen tienden die daer sien, wilke tiende voerscreven die abt ende sijn convent van Onser Vrouwen cloester in Middelburch^e dicke wilen ane ghetaeld hebben ende ons omme ghevolghet^f om dat si segheden dat mense van horen godshuse houden soude, daer wi ghene seker stucken of en wisten; ende omme alle stucken te verclaersen ende te vereffen ende wi dat godshuys voirs. begheren te vorderen, so hebben wi die tiende voerscreven also groet als wise tote nu beseten hebben in Coudekerke, Sobburch^g end in Vlissem^h roerende van den here van Ravi voerscreven vercoft den abt ende den convent voers., haren cloester ende haren godshuse erfliken te besitten sonder enich weder seghen van ons ende van onsen nacomelinghen, omme achte hondert ende vijf ende twintich pond Tornoyseⁱ, den groeten over sestien penninghe gherekent^j, die wi hem of sloghen ende of rekenden van sulken ghelde als hi ons rede gheleent hadde, also dat si ons daer of al voldaen hebben.

Ende omme dat wi willen dat die cloester ende godshuis voers. des coeps ende den tiende voers., die wi ende onse nacomelinghe hem ghewaren sullen, vriliken ende rusteliken altoes ghebruken sullen, so hebben wi hem dese letteren ghegheven open beseghelt mit onsen seghel. Ghegheven in Middelburch op den Palmen sonnendach int jaer ons Heren M CCC twe ende twintich.