Registers van de Hollandse grafelijkheid 1299-1345

Graaf Willem III treedt op als arbiter bij een geschil tussen de ingelanden en de cijnsgerechtigden in het Nieuweland van Sint-Maartensdijk, en bepaalt de wijze waarop de cijns geheven zal worden en overtreders van de regeling zullen worden bestraft.

Wi Willaem^b grave^c van Henegouwen^d ende van Holland^e maken cond allen luden dat wi hebben een segghen gheseghet tuischen die ghene die land hebben int Nieweland^f van Zente Maertijns^g dijc ende die ghene die den cens daer of ontfanghen sullen met eenen rechte, dat men den cens daer of betalen zal elkes jaers op sente Baven dach^h; ende die des niet en dade, die sal sinen cens ghelden twie scatte. Ende die den cens heffen sal, die sal dat land doen ghebieden met drien sonnendaghes gheboeden den scoutete die hi daer toe hebben mach of den dijcgrave die daer vanⁱ sgraven weghen es, ende die salt daer na in die weke eyghenen tote des gheens behoef dien die cens metten rechte toe behoert. Ende altoes machmen die erve lossen ende vrien met twiescatten ghelde eer si gheeyghent es, behouden des scouteten recht ende der scepenen die daer over sien. Ende es dat die scoutete metten scepenen dat land eyghent, zoe sullen si alsulc goid recht daer of hebben als an beyden ziden bordene recht es. Voert willen wi dat Elwoud van den Scoere^j, onze dijcgrave aldaer, ghebot legghe van achterstallen cens ende volghen den lande met drien sonnendaghen gheboden; ende diet daer binnen niet en ghelt, dat men sijn land daer over eyghene alst vors. es. Voert willen wi waer dat yement dat wederstonde ofte den scoutete of scepene, daer of keerde alse of hi crachte hadde ghedaen; ende alle stucken hier of daer twiste of vallen mochte, houden wi tot ons selves claernesse. Ende al sonder archghelist.

In orkonde etc. Ghegheven in Middelburch^k feria II^a ante Symon^l et Iude anno XXIII^om.