Registers van de Hollandse grafelijkheid 1299-1345

Graaf Willem III verklaart dat Jan Dirksz. van den Waarde de volle koopsom heeft betaald voor de 165 gemet ambacht in Kouwerve, waarvoor deze eerder een aanbetaling had gedaan, en dat de bij het ambacht behorende halve molen met de bijbehorende halve hofstede bij de koop is inbegrepen; Jan zal dit ambacht van hem houden in recht leen.

Wi Willaem^b grave^c van Henegouwen^d etc. maken cond etc. dat wi vercoft hebben ende verghift Janne Dierics^e sone van den Waerde^f onse hondert ende vijf ende sestich ghemete ambochts te goeder mate, luttel min jofte meer, die wi nu hebben in Coudewerve^g, elc ghemet om drie ende twintich penninghe grote, dat comet in somme^h sestien pond vijftien scellinghe vijf penninghe groter Tornoyseⁱ, waer of hi ons betaelt hevet bi onsen open brief sprekende op Jan den Keyser doe hi onse rentemeester van Zeelland^j was, diere of rekenen soude om dat hise ontfenc, tien pond groter Tornoyse; ende van den anderen ses pond vijftien scellinghe vijf penninghe groter Tornoyse soe hevet hi ons nu al voldaen ende betaelt bi heren Jans hand van Leyden ons capellaens, diere ons of rekenen zal, alsoe dat hi ons van desen voirseyden ambochte al voldaen hevet. Ende binnen desen voirseyden coepe soe zal Jan voirs. hebben onse halve molen metter halver hofstede diere toe behoert, die toten vorseyden ambochte behoerde, sonder enich meer ghelt daer of te gheven. Ende dit voirseyde ambocht zal Jan voirscreven van ons houden in rechten leene.

In orkonde etc. Ghegheven in Middelburch^k des dinxendaghes voir sinte Symon ende Juden dach int jaer ons Heren M^o CCC^o drie ende twintich.