Registers van de Hollandse grafelijkheid 1299-1345

Graaf Willem III sticht een kapel in de Sint Lievenskerk te Zierikzee ter gedachtenis aan de zielen van zijn voorouders, van hem, en van degenen die gevallen zijn in zijn oorlog in Zeeland en met name bij de overwinning op de Gouwe, welke kapel, waarin een priester dagelijks de mis zal opdragen, hij begiftigt met 30 pond Tournois per jaar uit de eerste pacht van Hugelijnszand op Schouwen; de begeving van de kapel blijft altijd voorbehouden aan hem en zijn opvolgers.

In de tekst wordt gerefereerd aan gevechten in de oorlog van 1303-1304 tegen de opstandige Zeeuwen en de Vlamingen, waaraan een einde kwam met de overwinning in de zeeslag op de Gouwe, 9-10 augustus 1304.

Wi Willem^a grave ^b etc. maken cont allen luden dat wi in eweliker ghedenkenesse onser overouders ziele ende der onser, ende al onser goder lude ziele die met ons in onser orloghe bleven ter Vere^c, tote Arnemuden^d, in Duveland^e ende voer Zirxe^f, ende nameliken om der eeren wille die ons onse here God verliende in den stride up Goude up sente Lauwerens^g dach^h, hebben gheset ende ghemaket in der ere Goids, onser Vrouwen ende sonderlinghe sente Lourensⁱ ene capelrie, tote eweliken daghen te verdienen bi enen goden priester daghelix als hies ghestaet es messe up te done up den outare datmen daer toe maken zal in sente Lievijns kerc tote Zirxe^j in die middewaerde van der kercken vor den chore, wilke capelrie wi hebben ghefundeert ende gheghift met dortich pond Tornoyse^k sjaers, den groten over XVI d. gherekent, die wi bewisen jaerlix den capellaen die wi jof onse nacomelinghe die capelrie gheven zullen intenemen ende voren uyt tontfanghen van onsen pachte die vallen zal jaerlix van onsen lande in Hughelijns zand in Scouden, telken termine als die pacht verscint sijn anebeloep; ende ombieden onsen rentemeester van Beoesterscelt^l in Zeland^m die nu es jof hier na wesen zal, ende allen onsen anderen ambochtsluden, dat si den vors. capellaen die dortich pond Tornoyseⁿ sjaers^o laten voren uyt nemen ende ontfanghen, sonder enich wederzegghen, van den eersten ende ghereetsten pacht die van ^p onsen lande in Hughelins zand^q vors. vallen zal tote elken daghe als die pacht daer of verscint. Ende die gifte van deser capelrie zal ons ende onsen nacomelinghe altoes toe behoren, want wise van ons zelves gode fundeert ende ghemaket hebben.

In kennesse etc. Ghegheven in Middelburch^r des woensdaghes na sente Katerinen^s daghe anno XXV^o.