Registers van de Hollandse grafelijkheid 1299-1345

Hendrik van Everingen, ridder, verkoopt zijn nicht jonkvrouw Beatrijs van Steeland een jaarrente van 40 schelling groten Tournois uit zijn 40 gemet tienden te Ellewoutsdijk, in twee termijnen als eerste te innen; de oorkonde wordt meebezegeld door zijn zoon Olivier en door graaf Willem III, door de laatste onder voorbehoud van zijn eigen rechten op genoemde tienden.

Het si cont allen den ghenen die diesen brief zien zullen jof horen lesen^b dat ic Henric^c van Everinghe^d, ridder, hebbe vercocht joncfrou Beatricen^e van Steeland^f miere nichten viertich scellinghe grote van Vrankerike^g, elcs jaers hare ende haren nacomelinghe tonfaen ende te hebben up XL mete invallender^h tienden die ic hebben legghende in Elewoudsⁱ dijc van der oestzide in, ende dese vornoemde viertich scellinghe groter coninx Tornoyse^j elcs jaers die zal die joncfrou^k van Steeland^l voernoemt of haer nacomelinghe in heffen^m elcs jaers te twien tiden, die ene helfte binnen maerteⁿ ende die ander helfte binnen den oeste comende daer naest; ende dese vornoemde XL mete tienden die en zal ic noch en mach noch minen nacomelinghe noch nyemant van onsen weghen nemmermeer met enighen rechte^o porren noch orbaren eer der joncfrou van Steeland^p vornoemt of haren nacomelinghen voldaen es van desen vornoemden XL s. groter coningx Tornoyse^q elcs jaers. Ende waer dat zake datmen der joncfrou van Steland^r voernoemt jof haren nacomelinghe niet en voldade ghelike dat hier vorscreven staet, zoe mach die joncfrou van Steland^s vornoemt of hare nacomelinghe haer hand slaen an dese vornoemde XL mete tienden sonder mesdoen ende^t sonder wedersegghen van yemene, tote der tijt dat hare voldaen es ghelike dat hier vorscreven staet.

Ende om dat ic Henric^u van Everinghen^v, ridder vornoemt, ende Olivier mijn sone^w willen dat dit vaste ende wel ghehouden worde van ons ende van onsen nacomelinghe, zoe hebben wi desen brief^x beseghelt met onsen seghele, ende hebben ghebeden enen edelen prinche, onsen lieven ende gherechten here heren Willem^y grave van Heynegouwen^z etc., dat hi behouden hem^a' in allen poynten sijns rechts desen brief met ons beseghelen wille om die mere zekerhede. Ende wi Willem^b' grave vors., om bede heren Henrix^c' van Everinghe^d', ridder, ende Oliviers^e' sijns zoens vorscreven, hebben desen brief met hem beseghelt open met onsen seghele, behouden ons in allen poynten ons rechts van der tiende vorscreven. Ghegheven tote Zirixee^f' feria III^a post Nycholai^g' anno XXV^o.