Registers van de Hollandse grafelijkheid 1299-1345

Graaf Willem III geeft heer Nicolaas van Kats en Willem Dankardsz. volmacht om jonkvrouwe Geertruid, echtgenote van de zwakzinnige Vriese Oloudsz., te helpen haar zaken op orde te brengen en haar schulden te delgen, eventueel door goed te verkopen; dit laatste in overleg met de naaste verwanten van Vriese.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem^a grave van Heynnegouwen^b etc. maken cond allen luden. Want Vriese Olouds^c sone alse^d teder van sinne ende van wesen es ende langhe tijd ghewesen hevet dat hi hem zelven niet helpen^e en can, ende joncfrouwe Gheertruyd^f sijn wijf alse^g zere te doghen met hem es ende also zere verladen es med kindren ende van^h scoude dat si hoir zelven met horenⁱ goede niet ontreeden en can, so hebben wi bevelen^j ende macht ghegheven ende gheven met desen brieve heren Liclayse^k van Catse^l ende Willaem^m Dankerdsⁿ f.^o dat si met joncfrouwe Gheertruden voirs. alle stucken versien ende hoir helpen dat si met horen goede hoir zelven ontreede ende horen staet besette als si zuverlicste ende best moghe met reden; ende moghen size niet ontreden van horen scoud sonder goed in den goede te vercoepen, so willen wi dat si des spreke med Vriesen naiste maghen, ende wat dat^p si bi horen rade vercopen omme der noet ende omme^q sbeters wille, dat willen wi dat voirtga. Ende wat si hier in doen dat sullen wi ghestade houden; dit zel gheduren toit onsen^r wedersegghen.

In oirkonde etc. Ghegheven in Middelburch^s des donresdaghes na Midvasten int jaer ons Heren M CCC zes ende twintich.