Registers van de Hollandse grafelijkheid 1299-1345

Wouter Antonisz. van den Vliet draagt graaf (Willem III) de 8 gemet tienden in Wissenkerke op die hij van hem in pacht hield, ter vermindering van de schuld die hij jegens de graaf heeft; de oorkonde wordt meebezegeld door graaf Willem III, heer Jan van Kruiningen, Wouters schoonvader heer Nicolaas van Kats, ridders, alsook door Gillis Boudewijnsz. baljuw van Middelburg en Jan Hendriksz. rentmeester van Bewesten Schelde.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. nr. ZE 464.

Allen den ghenen die desen brief zullen sien jof horen lesen, ic Wouter Tonijs sone van den Vliete saluyt ende kennesse der waerheyt. Ic make cond hem allen dat ic^a in minderinghe van der^b scout die ic minen here den grave ^c sculdich ben him op ghedraghen hebbe voir sine^d manne sinen vrien wille mede te doene achte ghemete tienden die ic van him te pachte heb^e, legghende in Wissenkerke^f binnen desen marken: die noirtzide die zeedijc, die zuytzide die wech die doir Noirt Beveland lopet van Wissenkerke tote Campen toe, die oistzide^g die wech die loept voir Jans Pieter Hughen soens sone, ende die westzide die Campee; ende ic Wouter voirs. ghelove^{h i} in goeden trouwen dat ic noch mijn erfnamen nimmermeer hier namaels an desen^j voirs. tiende niet eysken en zullen noch doen eysken, noche hindernesse doen noch lette den ghenen diese yeghens him coept.

Ende omme die meere zekerheyt dat ic dese zaken voirs. vast, zeker ende ghestade houden wille, so hebbic ghedaen ende bidde minen lieven here den grave voirs., heren Jan^k van Cruninghe^l, heren Clayse^m van Cats minen sweer, ridders, Gillijsⁿ Boudijns sone baliu van Middelburch^o, Jan Heynrix sone rentemeyster van Bewester^p Sceld^q in Zeeland^r, dat si alle viere in kennessen van desen zaken voirscreven met mi desen openen brief bezeghelen willen met horen zeghelen. Ende wi Willaem^s grave etc., Jan here van Cruninghen^t, Clays^u van Cats, ridders, Gillijs^v Boudijns sone ^w baliu van Middelburch^x ende Jan Heynrix^y sone rentemeester van Beweestersceld^z in Zeland^a', omme bede wille van Wouter Tonijs sone van den Vliete hebben in kennessen van den zaken voirscreven desen open brief met hem bezeghelt met onsen zeghelen. Ghegheven in Middelburch^b' des zonnendaghes na onser Vrouwen dach in marte int jaer ons Heren M CCC zes ende twintich.