Registers van de Hollandse grafelijkheid 1299-1345

Graaf Willem III vergunt zijn neef Floris van Haamstede bij diens huwelijk met jonkvrouw Goede, dochter van Jan van Bergen, dat Goede de eigen goederen, die haar vader als huwelijksgave had gekregen van haar grootvader Jan Persijn, zal erven na het overlijden van haar moeder, en voorts beleent hij Goede met 100 pond Hollands per jaar uit de tiende van 's-Gravenzande; hiermee is hij gevrijwaard van alle aanspraken op hem door Goede of haar erfgenamen vanwege de goederen van Jan van Bergen.

Wi Willaem^a grave etc. maken cond^b allen luden dat wi Florens van Haemstede, onsen neve, ghegheven hebben te huwelike met joncfrouwe Goeden sinen wive, Jans dochter van ^c Berghen^d: int eerste, dat an hoir comen zal na hoire ^e moeder doet alsulc eyghelic god alse Jan Persijn^f hore oude vader met hore moeder te huwelike gaf Jan van Berghen^g horen vader, ende hore moeder laten zal in horen lesten live. Vort hebben wi hem ghegheven met joncfrou Goeden vors.^h hondert pond Hollandsⁱ sjaers, die wi hem bewisen jaerlix in te nemen uyt onsen tiende tote sGraven zande, die ene helfte tote Voirscotenre market ende die ander helft ^j tote Valkenburgher^k market; ende so wat die^l tiende voirs. beter es, dat zal onse rentemeyster van onsen weghen in nemen^m. Ende dese hondert pond Hollandsⁿ sjaers zal joncfrou Goede voirs. van ons houden te leene, in manieren dat na hore doet comen zal op hore wittachtighe kindere, est sone est dochter; ende so wilke tijd dat wi hem dese ^o hondert pond sjaers in anderen renten bewisen, so zullen dese renten voirscreven quite wesen. Ende hier bi zullen wi quite wesen van allen eysken die ons joncfrou Goede^p oft hore erfnamen mach of zal moghen eysken van allen goede dat Jan van Berghen^q liet in sinen ^r lesten live, ist eyghen, leen of lijftochte, oic wise houdende was.

In orkonde etc. Ghegheven tote^s Dordrecht^t des dinxendaghes na sinte Jacobs dach int jaer ons Heren M CCC zeven ende twintich^u.