Registers van de Hollandse grafelijkheid 1299-1345

Graaf Willem III geeft Bollaard Loefsz. 1¾ gemet en 18 roeden leen in Noordwelle en Heer-Waddinsland als een vrij erf en ontslaat hem van diens manschap daarvoor, in ruil waarvoor Bollard evenveel grond achter zijn huis op een land geheten de Tien gemeten van hem in leen zal houden.

Wi Willem^a grave etc. maken cond allen luden^b dat wi vijf verendeel^c ghemets leens daer Roele Pieters sone up woend, licghende in Nordwelle^d, ende een half ghemet ende XVIII roeden licghende in een land ende es ghehaten Ser Waddins^e land, up die heerscip ghevriet hebben ende die manscepe quite ghescouden hebben van Bollaerd^f Loefs sone, ende ghevent hem over arve sinen vrien wille mede te doene, in deser manieren: dat wi dit voirnoemde lien verlegghen up alsoe breed goed after Bollaerds^g huse voernoemt westwaerd over den wegh in een land es ghehaten die Tiene^h ghemete, ende dit vornoemde land sal bliven tleen ende sal hi Bollardⁱ voirnoemd houden van ons in manieren als hi tander helt, ende dat ander sal bliven arve.

Ghegheven te Zierixee des vridaghes na Paes daghe int jaer ons Heren M CCC acht ende^j twintich.