Registers van de Hollandse grafelijkheid 1299-1345

Gerard heer van Voorne, burggraaf van Zeeland, en zijn zoon Albrecht beloven dat zij de met de 6000 pond Tournois die graaf Willem III hun vanwege hun opdracht van de inkomsten van het burggraafschap van Zeeland zal uitkeren, boven de al betaalde 1200 pond Tournois, zo snel mogelijk goederen en renten in Holland of Zeeland zullen kopen, welke zij aan hem zullen opdragen waarna zij die van hem in leen terug zullen ontvangen.

Vgl. nrs. ZE 511, 512, 514, 517, 518, 520, 521, 534 en 539.

Wi Gherard^a here van Vorne^b, burchgrave van Zeelland^c, ende Alebrechts zone des heren van Vorne voirs. maken cond allen luden. Want ons onses lieve here here Willaem^d grave van Heynnegouwen^e etc. tote den twaelf hondert ponden Tornoyse^f sjaers die hi ons in renten bewijst heeft, beloeft hevet ^g, ende sine borghe med hem bi hore opene brieve, zes dusent pont Tornoyse^h, den groten over zestien penninghe gherekent, te betalen die ene helfte viertien daghe na sinte Jans dach middezomerⁱ naest comende ende die ander helft viertien daghe na Kersdach^j dair nae naest comende, die hi ons ghegheven heft ane goeden goede in renten te legghen, ende dat goet jof ^k renten metten twaelf hondert pond Tornoyse^l sjaers voirscreven in enen leene van hem te houdene over die nutscap van der burchgravescip van Zeeland, die wi hem op ghedraghen ende quit ghescouden hebben alsoe alze die brieve dair af houden, zoe gheloven wi med goeder trouwen dat wi sonder vertrecken zoe wi eerste moghen, sonder arghenlist, die ses dusent pond Tournoyse^m voirscreven belegghen sullen ane goeden goede ende rente binnen der gravescip van Hollandⁿ jof van^o Zeelland^p, ende den eyghendom van dien^q goede ende^r renten onsen here den grave voirs. jof sinen ghewairden boden doen ontfaen ende die weder van hem ontfaen^s ons ende onsen nacomelinghen heren van Vorne, burgraven van Zeelland, mid den twaelf hondert ponden Tournoyse^t sjaers voirscreven in eenen leene te houdene van hem ende van sinen nacomelinghen, in dier maniere van leene dat wi die burchgravescip van Zeelland ghehouden hebben jof houden.

In orkonde desen brieve bezegheld med onsen zeghelen. Ghegheven tote Hairlem des sonnendaghes nae sinte Andries dach int jaer ons Heren M° CCC XXVIII°^u.