B
Graaf Willem III verklaart dat Barton Dirksz. van Rilland en diens oudste kinderen Dirk en Barton voor hem hebben verklaard dat Bartons vader Dirk Barton aan deken en kapittel van de Onze Lieve Vrouwekerk van Kortrijk het negende deel van alle tienden in Groede over de Wulpe en in Nieuw-Frankendijk heeft verkocht, zowel binnen- als buitendijks, en dat zij zich voor hem verbonden hebben op die goederen nooit meer enige aanspraken te zullen doen gelden, op verbeurte van verlies van lijf en goed en alle goederen die zij van hem houden.
Den deken van Cortrike.
Wi Willaema grave etc. maken condb etc. dat Bertoenc Dierix sone van Rijnlandd ende Dierice ende Berton, sine outste wittighe kindere, voir ons quamen ende verlieden te samen ende elc besonder dat Diedericf Bertong, Bertoens vader voernoemd, witteliken vercoft haddeh den deken ende den capittel van Onser Vrouwen kerke van Cortrike dat neghende deel van allen manieren van tienden die vallen moghen in die Groede, over die Wlpe ende in Niewe Vranken dijc ende in al dat dair of verscinen mach, beyde binnen dike ende buten dike, ende dat witteliken betaild den ersten penning mit den lesten, ende dat die deken ende capittel voernoemd witteliken ghedaen waren mit allen rechte toit den tiende voirscreven, ende dat Bertoni alse outste oer van sinen vader ende Diericj ende Bertonk sine kindere alse sijn ouste oer den tiende voirs. erfliken ende eweliken quite ghescouden hebben ende quit scelden voer him ende voir hoir nacomelinghe toit des dekens ende l capittels behoef van Cortrike voerscreven, ende nimmermeer mit ghenen liste ane te talen noch ane te spreken; ende hebben hem voer ons verbonden te samen ende elc besonder voer him ende voer hoir nacomelinghe: waer dat sake dat si of hore nacomelinghe emmermeer deden hier jeghen of jeghens enich point voerscreven, dat si jeghens ons verbuerden hoir lijf ende hoir goed ende al dat si van ons houden jof houden moghen.
In orkonde etc. Ghegheven op den Ascencien dach int jaer ons Heren M CCC een ende dortich.