Registers van de Hollandse grafelijkheid 1299-1345

Graaf Willem III bevestigt de schenking door Wolfert van Reimerswaal, zoon van heer Nicolaas Kervink, aan diens echtgenote Catharina van een lijftocht en douarie van 80 pond Tournois per jaar uit al diens leengoed in Poortvliet en het geleide op de Honte.

Willem^b grave^c van Heynnegouwen^d etc. maken cond etc. dat voir ons quam Wolfaert van Reymmers wale^e, heren Clays Kervincs^f soen, ende hevet ghemaect ende makede voir ons ende med onser hand Katerinen^g sinen witteliken wive tachtich pond suuarter Toirnoyse^h jairliker renten, enen coninx Toirnoysenⁱ van Vrankerike^j of drie Enghelsche van Ingheland voir sestien penninghe gherekent, tot harer rechter lijftocht ende duwarien up al sijn lien dat hi van ons houd in Portvliet ende in tgheleyde van der Honten^k; ende om dat wi onsen concente hier toe ghegheven hebben ende wi Katerinen^l voirs. ^m in deser lijftocht houden willen als wi sculdich sien te houdene ene joncvrouwe in horer rechter lijftocht, soe hebben wi desen brief bezeghelt met onsen zeghele. Ende hier over waren onse trouweⁿ manne alse onse lieve neve die here van Voirne ende^o Florijs van Haemstede^p, ridderen,^q ende Gherard^r van der Maelstede knape.

Ghegheven Kanoit des manendaghes voir sente Katerinen^s dach int jair ons Heren M° CCC° drie ende doortich^t.