Registers van de Hollandse grafelijkheid 1299-1345

Graaf Willem III verpacht aan Willem Hendriksz. de 2 gemet tienden in Eversdijk die deze met zijn toestemming had gekocht van de eerdere pachter, diens broer Pieter zoon van Hendrik Willemsz.

Wi Willem^a grave^b van Heynnegouwen^c, van Holland^d, van Zeeland^e ende here van Vriesland^f maken cont allen luden^g dat Pieter Heynric^h Willemⁱ soens zone bi onsen oirlove omme siere noeterste^j wille vercoft heeft Willem^k Heynrix^l sone, sinen broeder, twee ghemete tienden ligghende in Everdeys dijke^m die hi van ons te houden plach; wilken tienden wi verliet hebben Willem Heynrixⁿ sone voirs. van ons in pachte te houden, behouden elken anderen^o sijns rechts, in alre maniere als die brief ende die ordinancie van den tienden hout die bi wilcoren van ons ende van onsen mannen van Zeeland^p dair of ghemaect ende bezeghelt is; ende hier of sal hi ons jaerlix gheven te pachte^q sestien penninghe Hollands^r.

In orconde desen brieve bezeghelt met onsen zeghele^s. Ghegheven in Middelburch^t up sinte Lucas dach int jair ons Heren M° CCC° vier ende dortich.