Registers van de Hollandse grafelijkheid 1299-1345

Graaf Willem III stelt Pieter zoon van Gillis Hendriksz. in het bezit van de 250 roede tienden in het ambacht Kats die door diens broer Willem waren nagelaten; vervolgens stelt hij Jan zoon van Jan Hugenz. van Zuidkerke in het bezit van deze tienden, die Pieter hem daartoe had opgedragen.

Willaem ..grave van Heynnegouwen^a, van Holland^b ende here van Vriesland^c maken cond allen^d luden dat Pieter Gillijs^e Henrix^f sones sone an ons versocht hevet tot sinen dele die van Willaem sinen broeder verstorven waren dordalf hondert roeden tienden ligghende in Cats ambocht tuschen Zuytvliet^g ende den wech bi den moere, dair hi Vranken onsen rentemeyster ghenoch of ghedaen hevet, diere ons goede rekeninghe of doen sal. Voirt soe hevet dese voirnoemde Pieter dese dordalf hondert roeden tienden ligghende ter selver stede, die hi selve van ons helt, ons op ghedraghen tote Jan Jan Hughen soens sone behoef van Zuytkercke, wilken tiende voirscreven wi verliet hebben Janne voirnoemt, behouden elken anderen sijns rechts, van ons te houden ende te besittene in alre manieren alse die brief houd die bi wilcoeren van ons ende van onsen mannen van Zeelland^h dair of ghemaict ende bezeghelt es; ende hier of sal hi ons jairlix te pachte gheven twaelf penninghe Hollandsⁱ.

Ghegheven in die Haghe des vridaghes^j na sinte Pieters dach ingaende oichste int jair ons Heren M° CCC° ses^k ende dortich.