Registers van de Hollandse grafelijkheid 1299-1345

Graaf Willem III geeft Gijsbrecht Heinenz. van der Arege 11 morgen land in diens ambacht in eigendom, welk land ook als vrij eigen verkocht mag worden.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Wi^a Willaem^b grave van Henegouwen^c etc. maken^d cont allen luden dat wi ghegheven hebben ende gheven Ghizebrecht^e Heynen sone van der Areghe den eyghendom van elf morghen lands die gheleghen sijn int^f spadeland in Ghizebrechts^g ambocht voerseyt, welke elf morghen lands voers. beleghen heeft an die zuutzide Dieric Oliviers sone ende an die noert zide Florens van Utfaes^h metten lande dat hi van ons hout te leene, ⁱ ende die selve elf morghen lands voers. die strecken oest an den wech ende west tote an Ghizebrechts^j erve voers.; waer bi dat wi van dien selven lande den eyghendum gheven met desen brieve den ghenen diet coept jeghens Ghizebrechte^k voer noemt.

In orconde deser letter bezeghelt met onsen zeghele^l. Ghegheven in den Haghe int jaer ons Heren M^o CCC^o ende sestien des woensdaghes voer sente Agneten dach.