Registers van de Hollandse grafelijkheid 1299-1345

Graaf Willem III beleent Ricoud van Noordeloos met 29½ morgen in het ambacht Tolloisen en de molen met alle rechten aldaar, welke goederen deze hem daartoe in vrij eigendom had opgedragen.

De onderstaande tekst is gebaseerd op afschrift B.

Wi Willaem^a grave^b etc. maken cond etc.^c dat voer ons quam Ricoud van Nordeloes met sinen vrien moet^d willen, ende droech ons up XXIX morghen lands ende^e ene^f halve morghen leghende in den ambocht^g Toleysen^{h i} also alse gheleghen sijn ^j jeghens die woninghe van Tolleysen^k mitter hofsteden ende mitten uuytlande^l, also verre alst jeghen den voirs. lande gheleghen is, ende die moelen die nu ter^m wilen staet in den ambochte van Tolleysenⁿ met allen den rechte datter^o moelen toe behoert, tot onsen vrien eyghendome, welc land ende molen voirs. dat hi cofte jeghens Janne van Rosenborch^p heren Simons^q sone van Bentem^r. Vort so hebbe wi Ricoude voers. dit voers.^s land also alst^t gheleghen es ende die voers. molen met allen den rechte datter molen toebehoerd verliet van ons te houden van enen rechten erflene; ende hier over waren haer Jan van Heynnegouwen^u onse lieve broder ende her Arnoud van Boland^v, ridders, ende Willaem^w onse kamerlinc ende Willaem^x uten Campe^y, cnapen, alse manne.

Ende omme dat wi dit vaste ende stade willen houden, so hebben wi desen brief bezeghelt met onsen zeghel. Datum in Dordrecht^z feria sexta ante Bonefacij anno Domini M^o CCC^o XIX^o.