Registers van de Hollandse grafelijkheid 1299-1345

Graaf Willem III, die zijn kamerling Willem heer Filipsz. van Duivenvoorde had beleend met de ambachten van Almonde en Dubbelmonde op voorwaarde dat deze hem schadeloos zou stellen voor de jaarlijkse, nader omschreven opbrengst van die goederen minus de inkomsten die de jonkvrouw van Horn daaruit trekt, verklaart dat Willem hem jaarlijks 30 pond Hollands betaalt en hem daarboven nog 53 pond, 5 schellingen en een penning per jaar schuldig is.

Vgl. nr. ZH 43 eerder in het register.

De onderstaande tekst is gebaseerd op afschrift B.

Wi Willaem^c grave van Heneghouwen^d etc. maken cont allen luden dat ^e Willaem^f sheren Philips sone van Duvenvoirde^g, onsen ghetrouwen camerlinc, ghegheven hebben onse ambochten van Almonde ende Dubbenmonde^h ende alle die renten ende vervallen die van dien voerseyden ambochten versciennen moghen, in wat manieren dat es ende wise hadden van den heren ende van der vrouwen van Puttheⁱ, in deser manieren dat ons Willaem^j voers. alsoe vele jaerlixer renten elwaer bewisen zal alse^k wi jaerlix van desen goede voerscreven plaghen te houden, boven den zeven ende neghentich ponde, vijftien scellinghen ende zeven penninghe Hollands^l die die joncvrouwe van Horne^m, des sherenⁿ dochter van Putthe^o, daer jaerlix uyt nemet, dese renten voers. ghehelike in beyden ambochten, die liepen int jaer ons Heren M CCC ende twintich hondert ende tachtich pond ende achte penninghe Hollands^p, daer of ghesleghen der joncvrouwen ghelt van Hoirne voirs., zo blijf ons Willaem^q sculdich te bewisen drie ende tachtich pond, vijf scellinghe ende enen penning Hollands sjaers. Waer of hi ons bewiset dertich pond Hollands sjaers an den tiende die wi selve costen^r jeghens heren Clays van der Merewede^s omme anderhalf hondert pond Hollands, die hi voer ons betaelt hevet; van wilken bewise wi ons wel ghepayt houden alse van desen dertich pond Hollands sjaers voers.^t, aldus soe^u blijft hi ons noch sculdich te bewisen drie ende vijftich pond, vijf scellinghe ende enen penningc Hollands sjaers.

In orconde desen brieve bezeghelt met onsen zeghele^v. Ende omme dat hier over waren onse lieve ende ghetrouwe here Jacob bider ghenaden Ghoeds bisscop van Zuden, here Colijn abt van Middelburch^w, here Simon^x van Benthem^y, here Gheraerd^z van Raporst, ridders, ende Jan van Berghen^a' onse baeliu van Zuytholland^b', soe hebben wi hem desen brief open doen beseghelen^c' mit haren zeghelen bi den onsen. Ghegheven tote Dordrecht^d' des dinxendaghes voer sinte Lambrecht^e' dach int jaer ons Heren M CCC ende twintich.