Registers van de Hollandse grafelijkheid 1299-1345

Jan van Heusden en Jan van den Elshout, knapen, dragen na een uitspraak van de heer van Voorne, de heer van Mechelen, de heer van Arkel en heer Rogier van Leefdaal zekere eigen goederen op aan graaf Willem III, ieder tegen betaling van 100 pond zwarten Tournois per jaar uit genoemde goederen, met welke goederen de graaf hen weer beleent; de oorkonde wordt meebezegeld door heer Jan van Berlaar, leenman van de graaf.

Voor de uitspraak zie nr. BR 17; vgl. voorts nr. ZH 127.

De onderstaande tekst is gebaseerd op afschrift B.

Allen den ghenen die dese letteren zullen zien jof horen lesen, wi Jan van Hoysdaen ende Jan van den Elshoute^c, knapen, saluyt ende kennesse der waerheyt. Wi maken cond allen luden dat wi enen hoghen ende moghenden prensche, onsen lieven here haren Willaem^d grave van Henegouwen^e, van Holland^f, van Zeelland^g ende here van Vriesland^h, hulde ende trouwe ghesuoren hebben, ende hebben hem manscep ghedaen elc van ons beyden van hondert pond zuarter Tornoyse syaers, die wi hem wel ende zeker besetten zullen op zeker goed dat wi van hemⁱ houden te liene als hier na ghescreven staet, dat elc van ons bi hem zelve tote Berghen^j in Henegouwen^k hem opdroch^l ende bewisede van sinen eygheliken goede; want also^m gheseghet was int segghen dat die here van Voirne, die here van Machlenⁿ, die here van Arcle ende mijn here Rotgier van Levedale zeyden. Dat es te wetene: ic Jan van Hoysden hebbe minen lieven here den grave voernoemd^o op ghedraghen ende bewiset over hondert pond zuarter Tornoyse^p sjaers, die ic van hem houde te liene, drie hoeve lands, elke hoeve van twintich morghe, legghende int Hesemens^q gherechte, item twintich morghen lands int Bardewijx gherechte^r dat gheheten es die Waerf^s van Dover, ende vijf morghen lands in Baerdewiker broec die Arnouds^t Starken^u waren; ende ic Jan van den Elshoute voerscreven hebbe minen here den grave voerseyd op ghedraghen van minen eygheliken goede ende bewiset over hondert pond zuarter Tornoyse^v sjaers, die ic van hem houde te liene, in den eersten vive ende viertich morghen lands legghende in Oude Hoesdaen die waren heren Clays van der Merewede^w, item in den waerd te Oude Hoesden een ende twintich morghen lands die Gheraerds^x van Wiken waren, item zeestien^y pond zuaerter Tornoyse^z sjaers an Arnouds erve van Coelne legghende te Ghender. Ende hebben gheloeft ende gheloven elc van ons beyden bi hem in goeden trouwen, sonder arghenlijst, voir ons ende voir onsen nacomelinghen onsen lieven here den grave voerscreven ende sinen nacomelinghen alsulc goed als hem elc van ons beyden bewijst hevet alse voerseyd es over hondert pond Tornoyse^a' sjaers, vol ende goet te doene toter waerde voerseyd, ende ontcommeert^b' ende onbeslet te sien^c' van allen losen^d' eysken jof allen anderen zaken dier yemant op te segghen mochte hebben. Ende al dit voerseyde goed hevet ons onse lieve here die grave voers. verliet van hem te houden te liene ende hevet ons tote siere manscip hier of ontfaen, elc van ons beyden van hondert ponden^e' Tornoyse^f' sjaers, sonder ergheyt.

Ende omme dat wi willen dat alle dese zaken voerscreven zeker, vast ende ghestade bliven ende wel ende trouweliken ghehouden van ons ende van onsen nacomelinghen, hebben wi desen brief bezeghelt met onsen zeghelen; ende omme die mere^g' zekerhede^{h' i'} zo hebben wi ghebeden ende bidden^j' enen edelen man mijnen heren Janne van Baerlaer^k', man mijns heren des graven voerseyd, dat hi dit bezeghelt hevet met ons ende op ons. In oirkonde der zaken voerscreven ghedaen te Berghen in Henegouwen^l' op sinte^m' Jans dach te midde zomer int jaer ons Heren dusend drie honder twie ende twintich.