Registers van de Hollandse grafelijkheid 1299-1345

Graaf Willem III schenkt deken en kapittel van Sint Pieter te Utrecht de zijdwinde met alle toebehoren in de Nesse in Tieselenswaard.

De onderstaande tekst is gebaseerd op afschrift B.

Wi Willaem^a grave van Henegouwen^b, van Holland^c etc. maken cond etc. dat wi eersemmen^d luden ende besceyden, onsen lieven vrienden den deken ende den ghemenen capittile^e van sinte Pieters^f te Utrecht ghegheven hebben ende gheven met desen brieve die zijdwijnde in die Nesse die wilneer een dijc was^g ende al dat tote dier sijdwinde ende den dike voerseyd toe behoird, in Tiessilijns^h waerd legghende tuschen Arnoudsⁱ lande van den Oude an die ene zide westwaerd ende die ander zide van den watre datmen hiet die Dubble^j oistwaerd, streckende vanden weghe dier ghaet nu opwaerd tote an die huse in dier Nesse, erflike te besitten ende te ghebruken onghemoyt in alre manieren als si besitten ende ghebruken dat andre goed dat wi hem in Tiesselijns waerd bewiset hebben; van^k wilker zijdwinde ende dijc voerseyd niet wel verclaerset en was in dier handvesten daer wi hem dat ander goed in Tiesselens waerd mede bewist hebben, ^l ende dair omme zo verclaersen wijt in desen brieve, ende willen dat sijt ghebruken alset voerseyd es.

In oirkonde desen brieve^m etc. Ghegheven tote Utrechtⁿ des donresdaghes na sinte Jacobs dach int jaer ons Heren dusent drie hondert twie ende twintich.